AHİT MNM Herson gruppasınıñ hadimleri ile körüşüv

2019 senesi arman (avgust) ayı 15 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç AHİT MNM Herson gruppasınıñ yañı tayin etilgen reberi Rafal Yarmujek ve gruppanıñ hadimleri ile iş körüşüvini keçirdi.

Taraflar organlarnıñ vekâletlerini tarif ettiler ve Qırım Muhtar Cumhuriyetiniñ vaqtınca işğal etilgenine dair tışqı siyaset ve havfsızlıq meselelerini muzakere ettiler.

Bu cümleden, ukrain Qırımınıñ Rusiye tarafından işğal etilüvi neticesinde Azaq-Qaradeñiz regionında yüz bergen vaziyet, navigatsiya serbestliginiñ sıñırlanuvı ve yarımadanıñ arbiyleştirilüvi aqqında laf yürsetildi.

Körüşüv devamında iştirakçilerniñ diqqatları Rusiye Federatsiyası işğalci akimiyetiniñ yarımadada qanunsız faaliyeti neticesinde peyda olğan bir sıra problemli meselelerge celp etildi, bu cümleden, ”Titan” himiya istisalı zavodınıñ faaliyeti neticesinde yüz bergen ekologik vaziyet ve din esasında qırımtatarlarnı ve Ukrainağa qol tutqan vatandaşlarnı qanunsız alda taqip etüv ve cezalavnen sıñırlanmağan insan aqlarınıñ bozuluvlarına qıymet kesildi.

Neticede taraflar kelecekte haber saasında işbirlik ve qarşılıqlı yardım boyunca fikir almaştılar.