Halqara Qızıl Haç Komiteti eyetinen körüşüv

2018 senesi ekim (oktâbr) ayı 17 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikteki halqara alâqalar hızmetiniñ baş mesleatçısı Valeriya Pahomova Ukrainada Halqara Qızıl Haç Komiteti eyetiniñ yolbaşçısı Alan Eşliman ve onıñ muavini Mişel Saad ile körüşti.

Körüşüv esnasında Qırımdan memleket içinde köçken şahıslarnıñ horantalarına gumanitar yardımnı berüv meselesi boyunca işbirlikniñ nevbetteki yönelişleri, devlet akimiyeti organları içün umumiy trening ve seminarlarnı keçirüv, ayırıcı sızıqqa yaqın olğan rayonlarda Ukraina Qızıl Haç Cemiyetiniñ teşkiliy imkânlarını keñişletüv muzakere etildi.

Vaqtınca işğal etilgen Qırımdaki ‘‘Titan’’ zavodında mevcut olğan vaziyet ve onı tüzetmek içün yapılğan areketler ayrıca muzakere etildi. Körüşüv esnasında vaqtınca işğal etilgen Qırımda Qızıl Haç bölükleriniñ faaliyeti meselesi köterildi. Körüşüvniñ neticesi olaraq, taraflar kelecekte işbirlik aqqında añlaştılar.