”Büyük yedilik” devletleriniñ deñizdeki Rusiye tecavüzi boyunca beyanatı

2018 senesi boş ay (noyabr) 30 künü ”Büyük yedilik” devletleriniñ körüşüvi devamında bu memleketlerniñ çetel işler nazirleri Rusiyeniñ Keriç boğazındaki areketlerini takbih etip, ukrain gemicilerni azat etmege ve gemilerini qaytarmağa talap ettiler.

”Biz, Kanada, Frenkistan, Almaniya, İtaliya, Yaponiya, Birleşken Qırallıq, Amerika Qoşma Ştatları ”Büyük yedilik” devletleriniñ ve Yüksek seviyede Avropa Birligi temsilcisiniñ çetel işler nazirleri Keriç boğazında Rusiyeniñ Ukrainağa qarşı areketleri hususında ciddiy raatsızlığımıznı bildiremiz. Ukrain gemilerine ve olarnıñ arbiy-deñiz taqımlarına qarşı arbiy küçlerini qullanğan Rusiye içün iç bir aqlama yoq”, – dep bildirile beyanatta.

Bundan da ğayrı, nazirler sakin olmağa, haqara uquqnı ürmet etmege ve qızğınlıqnı qozğalamamağa çağırdılar.

”Rusiyeni yaqalanğan gemilerni ve gemicilerni azat etmege ve gemilerniñ Keriç boğazından qanuniy şekilde keçüvine mania olmamağa çağıramız”, – dep qayd ettiler nazirler.

G7 devletleri bir kere daa Ukrainanıñ egemenligine ve topraq bütünligine qol tuttılar ve Rusiye tarafından Qırımnıñ qanunsız şekilde ilhaq etilüvini iç bir vaqıt tanımaycaqlarını qayd ettiler.