Til aqqında qanun imzalandı!

Prezident Petro Poroşenko ”Ukrain tiliniñ devlet tili olaraq işletilüvini temin etüv aqqında” Qanunnı imzaladı. İmzalav merasiminde Ukraina Yuqarı Şurasınıñ Reisi Andriy Parubiy, parlament ve cemaat vekilleri bulundı.

”Bügün qural ay (mayıs) 15 künü. Bügün men, Ukraina Prezidenti Petro Poroşenko olaraq, ”Ukrain tiliniñ devlet tili olaraq işletilüvini temin etüv aqqında” Ukraina Qanunını imzalamaq şerefine nail oldım. Diqqatnen azırlanğan til qanunını öz imzamnen pekitem”, – dep ayttı Poroşenko.

Prezident, işbu Qanun Ukrainada yaşağan milliy azınlıqlarnıñ til aqlarını iç bir şekilde bozmağanını qayd etti.