Arman ayı 1 kününden başlap, Ukrainanıñ nezareti altında bulunğan topraqlarğa taba Qırım MC ile Herson vilâyeti arasındaki memuriy sıñırdan keçken vatandaşlar içün mecburiy özüni etraf müitten ayırmaq talabı lâğu etile

Yarından, yani arman ayı 1 kününden başlap, Ukrainanıñ nezareti altında bulunğan topraqlarğa taba Qırım MC ile Herson vilâyeti arasındaki memuriy sıñırdan keçken vatandaşlar içün mecburiy özüni etraf müitten ayırmaq talabı lâğu etile. Bu aqta Ükümetniñ qararına esaslanıp haber ete Ukraina devlet sıñır hızmetiniñ sözcüsi Andriy Demçenko.

Ukraina Nazirler Şurası qabul etken 641 sanlı qararğa binaen, 2020 senesi arman ayı 1 kününden başlap, vaqtınca işğal etilgen topraqlardan kelgen vatandaşlar özüni etraf müitten ayırmaq ve ”Evde areket et” cep ilâvesini yüklemek mecburiyetinden azat etileler.

Aynı vaqıtta Ukrainağa keleyatqan (ya da vaqtınca işğal etilgen topraqlardan KÇNN-dan keçken) yabancılar içün yanlarında sigorta polisiniñ olması ve özüni etraf müitten ayırmaları şarttır. Vatandaşlar ”qırmızı zonadan” kelgen olsalar, ”Evde areket et” cep ilâvesi yardımınen mıtlaqa karantinden keçmeliler. Amma tranzit olaraq keçkenler içün istisna yapıla.

KÇNN-dan keçken şahıslarğa seyahatlarından evel memuriy sıñırdan keçüv ile bağlı eñ soñ deñişmeler aqqında haberdar olmağa rica etile. Sualleriñiznen bizge muracaat ete bilesiñiz:

🚀  Vatandaşlarnıñ muracaatları içün belgilengen elektron menzil: zvernennia@ppu.gov.ua
🚀  Devlet akimiyeti organlarınıñ ve uquqiy şahıslarnıñ muracaatları içün Ukraina Prezidentiniñ Qırım Muhtar Cumhuriyetindeki Temsilciliginiñ elektron menzili: ark@ppu.gov.ua
☎️ Qoşma malümat içün telefonlar:
+380 (552) 49–59–39 – vatandaşlardan kelgen mektüplerni qabul ve qayd etüv, vatandaşlarnı qabul etüv aqqında malümat; Temsilcilik reberiyetiniñ şahsiy qabulına evelden yazıluv içün telefon vastası.
0 800 502 192 – Temsilcilikniñ bedava «sıcaq ağı».
Yuqarıda qayd etilgen telefonlar vastasınen malümat bazarertesi kününden cuma kününece belgilengen iş saatleri devamında berile.