Ukraina akimiyeti Qırımnıñ işğalden azat etilüvini ve ğayrıdan integratsiya etilüvini uquqiy vastalar yardımınen yaqınlaştırmaq üzerinde çalışa. Bu aqta Bütünukrain ”Ukraina 30” Forumında iştirak etken Ukraina Prezidentiniñ Qırım MC-deki Daimiy Temsilcisi Anton Korınevıç haber etti.

Bu munasebet ile Anton Korınevıç Ukraina Rusiyeniñ tecavüzine yalıñız arbiy areketlernen degil de, aynı vaqıtta egemenligini ve topraq bütünligini qorçalamaq içün uquqiy vastalarnı işletip, cevap bergenini bildirdi.

”Fikirimce, böyle areketler taktik ve strategik ceetten tamamınen doğru, çünki, körgenimiz kibi, Rusiye Federatsiyası zemaneviy dünyada eñ büyük halqara uquq bozucısıdır”, – dep qayd etti o.

Forum aqqında tafsilâtlı malümat ⤵️