Sanktsion siyasetini mükemmeleştirüv

2019 senesi çiçek (aprel) ayı 01 künü Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini İzet Gdanov mahsus sıñırlayıcı tedbirlerni (sanktsiyalarnı) qullanuv, yerine ketirüv ve közetüv saasında qanuniyetniñ mükemmeleştirilüvinen bağlı olğan problemli meseleler boyunca İdareler ara iş gruppasınıñ azası olaraq, Kıyiv şeerinde adliye ve çetel işler nazirlikleri yolbaşçılarınıñ reberligi ve merkeziy icra akimiyetniñ diger organlarınıñ ve uquq qorçalav teşkilâtlarnıñ iştiraki ile keçirilgen işbu gruppanıñ birinci toplaşuvında iştirak etti.

İzet Gdanov İş gruppasına mahsus sıñırlayıcı tedbirlerni qullanuv, yerine ketirüv ve közetüv boyunca Temsilcilik tarafından azırlanğan muayyen tekliflerni taqdim etti. Faaliyet devam ete.