Fridrih Naumann Fondunıñ tedbirlerinde iştirak etüv

 

2018 senesi berim (sentâbr) ayı 26 künü Temsilcilikteki hızmetlerniñ baş mesleatçıları Valeriya Pahomova ve Ruslan Seydametov Fridrih Naumann Fondunıñ 60-yıllığı munasebeti ile keçirilgen ‘‘Azatlıq içün küreşke daima, bügün ise – daa ziyade azır ol’’ mevzusında cemaat muzakeresinde iştirak ettiler

Muzakerede Ukrainada Almaniya Federativ Cumhuriyetiniñ Fevqulâde ve Vekâletli Elçisi Ernst bey Volfgang Rayhel, Ukrainada ve Aqrusiyede Fond leyhasınıñ reberi Beate Apelt, Fond müdirleri Surasınıñ azası Sabine Lyoytgosser-Şnarrenberger, jurnalstik etika boyunca Komissiyanıñ başlığı, Cemaat radiosınıñ baş muarriri Andriy Kulikov, halqara PEN-klubı Ukraina merkeziniñ yolbaşçısı yazıcı Mykola Râbçuk, cemaat serbestlikleri Merkezi idaresiniñ yolbaşçısı Oleksandra Matviyçuk, jurnalistler ve cemaat teşkilâtlarınıñ vekilleri iştirak etti.

Tedbir esnasında Ukrainada feyk haberlerni keñişletüv ve faal rusiye propagandası, yuqarıda qayd etilgen adiselerni belgilev ve ögüni aluv meseleleri muzakere etildi.

Bundan da ğayrı, vaqtınca işğal etilgen Qırımğa alman siyasetçilerniñ qanunsız ziyareti ve AQŞ-ta qabul etilgen Magnitskiy aktınıñ benzerini Almaniyada teşkil etüv muzakere etildi.