«Qırım sanktsiyaları: olardan qaçınuv vastaları ve Avropa Birliginde mesüliyetke çekilüv» mevzusında vebinarda iştirak etüv

Berim ayınıñ 13-de saat 11:00-de Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ”Ukrainada demokratiya ile insan aqlarını inkişaf ettirüv oğrundaki grajdanlıq cemiyeti” leyhası çerçivesinde keçirilgen «Qırım sanktsiyaları: olardan qaçınuv vastaları ve Avropa Birliginde mesüliyetke çekilüv» mevzusında vebinarda qonuşmacı olaraq iştirak etecek.

Vebinar İnsan aqları oğrundaki media teşebbüsi tarafından  Euromaidan Press ile beraberlikte teşkil etildi.

Anton Korınevıçten ğayrı, muzakere etüvde aşağıdaki şahıslar iştirak etecek:

Helin over de Linden, ekspert, al-azırda Groningen universitetinde Qırım ve Şarqıy Ukraina boyunca Rusiyege ve Yanukovıç rejimine qarşı Avropa Birligi tarafından qabul etilgen sanktsiyalarğa bağışlanğan doktorlıq dissertatsiyasını yazmaqtadır. Sanktsiyalarnıñ bozuluvına dair felemenkli jurnalistler tarafından alıp barılğan taqiqatta faal iştirak etti;
Professor, doktor Sedrik Ringayert, felsefe doktorı (Leven şeeri, 2007), Utreht (Felemenk) universitetinde halqara uquq kafedrasınıñ ocası, universitetniñ adliye fakultetinde halqara ve Avropa uquqı kafedrasınıñ müdiri. Ringayert efendi sanktsiyalarnen ilmiy ceetten doğrudan-doğru meraqlana, o, halqara sanktsiyalar siyasetini terenden ögrenmektedir;

Vebinarnı İnsan aqları oğrundaki media teşebbüsiniñ yöneticisi Mariya Tomak idare etecek.

Tedbir ingliz tilinde keçirilip, ukrain tiline sinhron şekilde tercime etilecek. Tedbir Facebook ve Youtube saifelerinde yayınlanacaqtır.
Tedbirde Zoom platforması vastasınen iştirak etmek ve qonuşmacılarğa sualler bere bilmek içün aşağıdaki bağlantı boyunca qayd etilmek kerek:

https://forms.gle/3pUxDeQdmTakLBDBA

Tasdıq ve bağlanuv aqqındaki malümat berim ayınıñ 13-de sabaleyin yollanılacaqtır.

Aves etken er kesni tedbirde iştirak etmege davet etemiz.