Qırım balalarını arbiyleştirüv: mesüliyet kimniñ üstünde olacaq

Qara qış ayınıñ 14-de saat 11:00 Ukraina Prezidentiniñ Qırım MC-deki Temsilciliginde Qırım Muhtar Cumhuriyetini işğalden azat etüv ve ğayrıdan integratsiya etüv meseleleri boyunca hızmetniñ reisi Olena Halimon ”Qırım balalarını arbiyleştirüv: mesüliyet kimniñ üstünde olacaq” mevzusına bağışlanğan tedbirde iştirak etecektir. Aq qorçalayıcılar Qırımda tasil saasında arbiyleştirüvge ve ukrain balalarnıñ kimligini yoq etüvge hızmet etken işğalci akimiyet ”memurlarınıñ” adlarını bildirecekler.
Tedbir ‘Ukrinform” Milliy haber agentliginiñ ZOOM-platformasında keçirilecektir.

Taqdım etüv esnasında qonuşmacılar aşağıdaki meseleler aqqında ikâye etecekler:

🔻 Qırım balalarınıñ ukrain ve qırımtatar kimlikleri kimler tarafından ve nasıl etip yoq etile;
🔻 ”universal Rusiye vatandaşı” kimligi kimler tarafından ve nasıl etip aşlana;
🔻 vaqtınca işğal etilgen Qırımda ”vatanperver tasiline” kimler hızmet ete;
🔻 qabaatlı şahıslar mesüliyetke nasıl etip çekile bile.

Tedbir iştirakçileri:

☑️ Olena Halimon, Ukraina Prezidentiniñ Qırım MC-deki Temsilciliginde Qırım Muhtar Cumhuriyetini işğalden azat etüv ve ğayrıdan integratsiya etüv meseleleri boyunca hızmetniñ reisi;
☑️ Volodımır Çekrıgin, Qırım uquq qorçalav gruppası idaresiniñ reis muavini;
☑️ Valentına Potapova, İnsan aqları boyunca Ukraina-Helsinki birilgindeki tasil bölüginiñ reisi;
☑️ Olğa Pirogova, Qırım MC ve Aqyar şeeri Prokuraturasınıñ prokurorı.

Tedbir  UKRİNFORM agentliginiñ YouTube kanalında https://cutt.ly/PjvSNLn yayınlanacaqtır.

Tedbirniñ teşkilâtçıları: Ukraina Prezidentiniñ Qırım MC-deki Temsilciligi, Qırım uquq qorçalav gruppası, İnsan aqları boyunca Ukraina-Helsinki birilgi, ZMİNA insan aqları merkezi.

#KeçiciDevirdekiAdalet #TransitionalJustice

#SilâlıDava #İnsanAqları #QırımUkrainadır

#КримЦеУкраїна #DonbasIsUkraine #DonbasUkrainadır