Karantin şaraitlerinde vaqtınca işğal etilgen Qırım ile memuriy sıñırdan keçkende qıyınlığlarğa rast kelgen vatandaşlardan (PLR-testlerni keçüvge, eki aftalıq özüni etraf müitten ayıruvnı vaqtından evel toqtatuvğa dair) muracaatlar kelgeni sebebinden, Ukraina Prezidentiniñ Qırım MC-deki Temsilciligi izaatlar almaq maqsadınen cemaat sağlığı Merkezine muracaat etti

Problemsiz şekilde ve vaqıtıñıznı nafile coymadan memuriy sıñırnı keçmege, em de karantin sıñırlamalarına riayet etmege imkân bergen eñ muim malümatlarnen vatandaşlarımıznen paylaşamız.

  Cemaat sağlığı Merkeziniñ saifesinde memuriy sıñırnı keçken vatandaşlar içün özüni etraf muitten ayıruv nasıl toqtatlığanı aqqında malümat ve PLR-testlerni yapmağa aqları olğan laboratoriyalar cedveli neşir etilgendir (https://cutt.ly/4a49RP7).

  PLR-testlerni Herson vilâyetiniñ tek mütenasip sertifikatları olğan laboratoriyalarında, yani Ukraina sağlıq saqlav Nazirligi terkibindeki Herson vilâyeti tıbbiy merkezinde ve G.İ. Gorbaçevskıy adına Herson vilâyeti infektsion hastahanesinde yapıñız.

✅  Müim malümat! laboratoriyağa muracaat etkende, PLR-testni özüni etraf müitten ayıruvnı toqtatmaq maqsadınen yapqanıñıznı qayd etiñiz. Tek bu alda laboratoriya taqiqat neticeleriñizni cemaat sağlığı Merkezine yollar ve test neticesi menfiy ise, eki aftalıq özüni etraftan ayıruv talabı bir saat içinde vaqıttan evel toqtatılır.

‼️  Laboratoriyada PLR-testni yapmazdan evel yazılğan malümatlarnıñ doğru olğanından emin oluñız. ”Evde areket cep” ilâvesinde işletilgen telefon nomerañıznı mıtlaqa qayd etiñiz.

”Evde areket et” cep ilâvesiniñ işletilüvine dair talimatnen şu yerde tanışmaq mümkündir: https://cutt.ly/ka40izp.