Noman Çelebicihannıñ hatırasına küreş yarışı

2019 senesi kiçik ay (fevral) 23 künü qırımtatar halqınıñ ulu temsilcisi Noman Çelebicihannıñ hatırasına bağışlanıp, Kıyiv şeerinde qırımtatar milliy küreşi boyunca yarış olıp keçti.

Tedbirge Qırımtatar Milliy Meclisi qol tuttı. İnformatsion qol tutuvnı ”ATR” telekanalı becerdi.

Yarışta yaş ve yetişken küreşçiler, bu cümleden vaqtınca işğal etilgen Qırımdan kelgen vatandaşlarımız iştirak etti.

Yarış ğaliplerine teşkilâtçılardan medaller, fahriy yarlıqlar, kuplar, yarımadanıñ vaqtınca işğal etilüvi şaraitlerinde qırımtatar ananeleriniñ saqlanıp qalmasına ve inkişaf etmesine qol tutqan sponsorlardan ise qıymetli bahşışlar taqdim etildi.