Litva Seymi: qırımtatarlarnıñ sürgün etilüvi soyqırımdır

Litva Seymi 1944 senesi Sovet Birligi qırımtatarlarğa qarşı yapqan cinayetlerni tanıp, 1944 senesi qırımtatar halqınıñ sovet qurumı tarafından ana vatanları Qırım yarımadasından Orta Asiyanıñ tena rayonlarına aselet sürgün etilüvini ve neticede sürgün etilgen qırımtatar ekseriyetiniñ açlıqnen, hastalıqlarnen, qıynavlarnen ve ağır işçiliknen yoq etilüvini takbih etti.

Seymniñ qararı ukrain Qırımınıñ 2014 senesi Rusiye Federatsiyası tarafindan qanunsız alda işğal ve ilhaq etilüvini ve yerli ealiniñ ve bilhassa qırımtatarlarnıñ til, medeniyet, din ve milliy mensüplikleri esasında ayrımcılıqqa oğratılğanlarını ve qırımtatar öz-özüni idare etüvniñ yoq etilüvini takbih ete.

Seym halqara cemiyetni qırımtatarlar ile birdemliklerini numayış etmege ve Rusiye Federatsiyası tarafindan Qırım işğalini ve Ukrainanıñ qısmen ilhaq etilüvini qabul etmeyüv siyasetini devam etmege çağırdı.

Seymniñ İnternet saifesinde haber etilgenine köre, Rezölütsiyağa 77 aza qol tuttı, 1 kişi tarafsız qaldı.