Qırımğa yaqın olğan yerlerdeki faaliyet

2018 senesi boş ay (noyabr) 5 künü Ukraina Prezidentiniñ Qırım MC Daimiy Temsilcisi Borıs Babin ve onıñ Birinci muavini İzet Gdanov Çonğar qasabasında Ukraina Havfsızlıq Hızmeti (UHH) Qırım MC ve Aqyar şeerindeki Baş idaresiniñ, UHH Herson vilâyetindeki İdaresiniñ, Milliy polis Qırım MC ve Aqyar şeerindeki Baş idaresiniñ, Geniçesk rayonındaki prokuratura ve Milliy polisniñ, Çonğar köy şurası reisiniñ ve kâtibiniñ iştiragi ile muşavere keçirdiler.

Temsilcilikke kelgen muracaatlar sebebinden teşkil etilgen muşaverede al-azırda işğal etilgen topraqlarda bulunğan, RF akimiyetiniñ Qırımdaki faaliyetine qol tutqan teşkilâtnıñ yolbaşçısı olğan Geniçesk rayon memuriyetiniñ sabıq reisi Seytumer Nimetullayevge boyusunğan teşkilâtnıñ hocalıq faaliyetinen bağlı vaziyet muzakere etildi.

Mutenasip cinaiy taqiqatlar boyunca uquq qorçalav organlarnıñ ve cemaatnıñ fikirleri diñlendi, Temsilcilikniñ reberiyeti vaqtınca işğal etilgen Qırımğa yaqın olğan ayrı rayonlarda devlet idaresi zayıf olğanınıñ alâmetlerini kene de qayd etti.

Daimiy Temsilci ve onıñ Birinci muavini, devlet organları ve cemaat qanuniyet çerçivesinde areket etmek kerek olğanlarını qayd ettiler, uquq qorçalayıcılarğa vekâyetleri çerçivesinde protsessual areketlerini faalleştirmege teklif ettiler.

Vaziyetni muzakere etüvniñ neticesi olaraq, Temsilcilik merkeziy akimiyet organları ile beraberlikte Qırımdan devam etken ve bu cümleden Geniçesk rayonında mütenasip telükelerni doğurğan rusiye istilâsına acele sürette qarşılıq kösterüv oğrunda faaliyetini devam etecektir.

Bundan da ğayrı, Daimiy Temsilci ve onıñ Birinci muavini Novooleksiyivka köy şurasınıñ yolbaşçısı ve Herson regional Meclisiniñ reberiyeti ile iş körüşüvlerni keçirdiler. Başqa meselelernen beraber, Novooleksiyivkada Memuriy hızmet merkezini teşkil etüv meselesi muzakere etildi, Merkez içün ayırılığan bina baqıldı, azırlıq işleri al-azırda devam etmektedir