AHİT Mahsus nezaret etici missiyasınıñ vekilleri ile körüşüv

2018 senesi boş ay (noyabr) 2 künü Ukraina Prezidentiniñ Qırım MC Daimiy Temsilcisi Borıs Babin ve Qırım MC işğalden azat etüv ve ğayrıdan integratsiyası boyunca hızmetniñ baş mesleatçısı Tetâna Pokidko AHİT Mahsus nezaret etici missiyası Herson gruppasınıñ közeticileri ile iş körüşüvini keçirdiler.

Körüşüv esnasında taraflar vaqtınca işğal etilgen Qırım sakinlerininiñ memuriy hızmetlerge irişimleri ve bu cümleden, Ukraina vatandaşı pasportlarını resmiyleştirüv; vaqtınca işğal etilgen Qırımdaki ‘‘Titan’’ zavodında vaziyet; Sivaş körfeziniñ etrafındaki topraqlarda ekologik vaziyet kibi bir sıra meselelerni muzakere ettiler.

‘‘Mehanik Pogodin’’ rusiye tankeriniñ yaqalanuvı meselesi boyunca Ukraina akimiyet organları faaliyetiniñ ameliy neticeleri, Azaq deñizinde balıqçılıq meseleleri boyunca Ukraina-Rusiye Komissiyasınıñ XXX toplaşuvındaki vaziyet, ЯМК-0041 balıqçı gemisiniñ taqımını teşkil etken ukrain balıqçılarnıñ yaqalanuvı ve olarnıñ rusiye cezalav organları tarafından vaqtınca işğal etilgen Qırımda siyasiy sebeplerden reineler olaraq tutuluvı diqqatnen aydınlatıldı.