Qızıl Haç Halqara Komitetiniñ vekili ile körüşüv

2018 senesi çiçek ayı (aprel) 10 künü Ukraina Prezidentiniñ Qırım MC Daimiy Temsilcisi Borıs Babin Odessa şeerinde Qızıl Haç Halqara Komitetiniñ ofis başlığı Maksim Zabaluyev ile körüşti. Körüşüv esnasında Qırımdan memleket içinde köçken şahıslarğa Qızıl Haçtan üç ayda bir gumanitar yardımnıñ berilüvi, 61 sanlı Herson tüzetüv koloniyasında, Herson şeerindeki 90 sanlı Şimaliy tüzetüv koloniyasında ve 10 sanlı Daryivka koloniyasında maküm etilgen Qırım sakinlerine pasportlarınıñ resmiyleştirüvi içün maaliy yardımnıñ berilüvi boyunca kelecekte işbirlik muzakere etildi. Bundan da ğayrı, Ukrainada Qızıl Haç Milliy Cemiyeti ile birlikte Herson, Mıkolayiv ve Odessa şeerlerinde yürsetilecek leyhalar da muzakere etildi. Körüşüvniñ neticesi olaraq taraflar yuqarıda qayd etilgen yönelişler boyunca işbirlik aqqında añlaştılar. Maksim Zabaluyev Temsilcilikniñ hadimlerini Odessa şeerinde Qızıl Haç Halqara Komitetiniñ yañı ofisiniñ 2018 senesi çiçek ayına qararlaştırılğan açıluv merasimine davet etti.