Ukrainada Halqara para fondunıñ vekili ile iş körüşüvi

2018 senesi boş ay (noyabr) 21 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikteki halqara alâqalar hızmetiniñ baş mesleatçısı Valeriya Pahomova Ukrainada Halqara para fondunıñ Daimiy Vekili Yosta Lüngman ile iş körüşüvini keçirdiler.

Körüşüv esnasında Halqara para fonduna Ukrainanıñ iqtisadiy inkişafı boyunca azırlanğan vesiqalarnıñ hususiyetleri muzakere etildi. Körüşüv esnasında Borıs Babin Temsicilikniñ kündelik faaliyeti ve istilâcı devletniñ Qırımnı ilhaq etmek teşebbüsini çetel memleketlerge ve halqara teşkilâtlarğa qabul ettirmek ıntıluvlarına qarşılıq kösterüv aqqında ikâye etti. Bundan da ğayrı, taraflar Qırımda insan aqları meseleleri boyunca BMT Baş Assambleyası qabul etken rezölütsiya leyhasınıñ halqara vesiqalarda yarımadanı adlandıruvğa dair qısımını muzakere ettiler.