Tibbiy islâatnı mükemmelleştirüv meselesi

2018 senesi ilk qış (dekabr) ayı 5 künü Ukraina Yuqarı Şurası içtimaiy siyaset, meşğullik ve pensiya ile teminlev meseleleri boyunca Komitetiniñ faaliyeti çerçivesinde onıñ birinci reis muavini Sergiy Kaplin yolbaşçılığında tibbiy islâatnı mükemmelleştirüv meseleleri boyunca Mesleat şurasınıñ oturışı olıp keçti, oturışta ealige berilgen ilk nevbetteki tibbiy yardım saasında devlet kefaletini yerine ketirüv, devlet kefaleti leyhası çerçivesinde tibbiy hızmetlerni ve ilâclarnı berüv kibi meseleler muzakere etildi.

Oturışta iştirak etken Ukraina Prezidentiniñ Qırım MC Temsilciligindeki halqara alâqalar hızmetiniñ reisi Yevgen Samuha vaqtınca işğal etilgen Qırımda sağlıq saqlav saasındaki vaziyet ile tanıştırdı, memleket içinde köçken şahıslarnıñ ve yarımada sakinleriniñ Ukrainanıñ qıta qısımında berilgen tibbiy yardımğa irişimleri ile bağlı olğan meselelerni tarif etti, tibbiy tasil bergen milliy oquv yurtlarını ”Qırım-Ukraina” tasil leyhasına celp etmege kerek olğanını qayd etti.