“Qalançaq” KÇÇN-nıñ hızmet zonasındaki qanunsız hocalıq faaliyetine qarşılıq kösterüv

2019 senesi saban (mart) ayı 5 künü Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini İzet Gdanovnıñ yolbaşçılığında Ukrainanıñ vaqtınca işğal etilgen Qırım MC ile memuriy sıñırdaki ”Qalançaq” KÇNN-nıñ hızmet zonasındaki qanunsız hocalıq faaliyetine qarşılıq kösterüv boyunca idareler arası muşavere olıp keçti.

Muşaverede Ukraina Devlet sıñır hızmeti Azaq-Qaradeñiz regional idaresiniñ, Herson vilâyeti devlet memuriyetiniñ, Ukraina Milliy Polisiniñ Qırım MC ve Aqyar şeeri boyunca Baş idaresiniñ, Ukraina Havfsızlıq Hızmetiniñ Qırım MC Baş idaresiniñ, Ukraina Havfsızlıq Hızmetiniñ Herson vilâyetindeki idaresiniñ, Milliy polisniñ Herson vilâyetindeki Baş idaresiniñ ve Şimaliy-Qırım kanalı İdaresiniñ vekilleri iştirak etti.

Temsilcilik bu yönelişte 2019 senesi kiçik ay (fevral) ayından başlap yapqan faaliyetiniñ neticelerini taqdim etti, meraqlanğan taraflar bir-biriniñ fikirlerini diñledi ve işbu mesele boyunca kelecekte işbirlik ve qarşılıqlı yardım aqqında añlaştılar.

Muşavereniñ neticesi olaraq ”Qalançaq” KÇNN-nıñ hızmet zonasındaki qanunsız hocalıq faliyetiniñ toqtatıluvı ile bağlı olğan soñki qararlarnıñ alınması içün mütenasip idarelerge bir aftalıq müddet berildi.