2014 senesiniñ baarinde Rusiye Federatsiyasınıñ Qırımdaki silâlı tecavüziniñ adiselerini hatırlamağa devam etemiz

2014 senesi çiçek ayınıñ 6-da Ukraina Silâlı Quvetleri Arbiy-Deñiz Quvetleri zabiti Stanislav Karaçevskiy öldürildi Rusiye deñiz piyadesi askeri onı arqasından qurşunğa tizdi.

İşbu cinayet Qırımnıñ Rusiye Federatsiyası tarafından zapt etilüvi silâlı tecavüz olaraq jurnalistlerniñ faaliyetlerine keder etüv, faallerni taqip etüv, zorbalıqnen qaçıruv, işkenceler, qıynavlar, adaletsiz mahkeme ükümleri ve atta öldürüvlernen beraber yüz bergenini bir kere daa tasdıqlay.

Ukraina ordusı mayorı Novofedorivka qasabasındaki yataqhaneniñ ayatında elâk oldı. Şaatlarnıñ aytqanlarına köre, arsız işğalciler Rusiye ordusında hızmet etkenlerini gizlemey edi.

Şu künü Stanislav Karaçevskiy antlarına sadıq qalğan arqadaşlarınen beraber yataqhanede öz şeylerini toplay, Mıkolayevge ketmege azırlana edi.
Tösmenge tutulğan 10 Saq deñiz avacılığı brigadası uçıp olğan aviatsion vastalarnıñ deyerlik episini Novofedorivka aerodromından qıtağa tahliye ete bildi. Bu ameliyat Qırımdan arbiy tehnikanı tahliye etüv, antına sadıqlıq ve Ukraina halqına lâyıq şekilde hızmet etüvniñ muvafaqiyetli nümünesi oldı.

Rusiye taqiqat organları Yakutiyadan kelgen kence serjant Yevgen Zaytsev mayor Karaçevskiyge qarşı ateş açqanını soraştırıp bildi. O, 2013 senesinden berli kontrakt boyunca Rusiye ordusında hızmet ete edi. Qatil yaşav tarzı koloniyasında tek 2 yıl devamında qalmasına üküm etildi – bu, sözde ”yumşaq tertipli” doğurlatıcı müessisedir.

Aynı vaqıtta Putin 2016 senesi ”Bild” adında alman matbuat vastasına bergen intervyusında böyle sözler aytqan edi: ”Biz cenkleşmedik, kimseni işğal etmedik, iç bir yerde ateş açmadıq, Qırımda yüz bergen adiseler esnasında kimse elâk olmadı. Kimse…”

Qaramanlarımıznı añamız, em o zaman kösterilgen, em al-azırda işğal etilgen Qırımda devam etken qarşılıq kösterüvni hatırlaymız.

Sanislav Karaçevskıyniñ qorantası bügünde-bügün nasıl yaşağanı, ömür arqadaşı qatilge berilgen yumşaq ükümge itiraz bildirgeni ve başqa ayrıntılar aqqında ”QırımAqiqat” azırlağan maqalede oquy bilesiñiz:https://cutt.ly/wcOZdkH

Resimde Stanislav Karaçevskıy oğlu ile. Qırım.Aqiqat

#CrimeaIsUkraine #QırımUkrainadır #Qırım #StopRussianAggression