Ukraina Prezidentiniñ Qırım Muhtar Cumhuriyetindeki Temsilciligi Ukraina milliy hatıra institutı ve İnsan aqları boyunca Ukraina-Helsinki birligi beraberlikte USAİD Ukraine ”İnsan aqları amelde” leyhası çerçivesinde Qırım işğali aqqında yañı video hatırlavlar toplamını taqdim ettiler

Deliller 2021 senesiniñ baarinde Ukraina milliy hatıra institutı ve Ukraina Prezidentiniñ Qırım Muhtar Cumhuriyetindeki Temsilciligi tarafından başlatılğan ”Qırım. İşğal” ağzaviy-tarihiy leyhası çerçivesinde yazılğan edi.

Tedbirde Qırım işğali aqqında video hatırlavlar toplamı ve olarnıñ esasında azırlanğan rağbetleştirici videolar taqdim etildi.

Taqdim etüvniñ iştirakçileri:

  • Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi;
  • Anton Drobovıç, Ukraina milliy hatıra institutınıñ başlığı;
  • Refat Çubarov, Qırımtatar Milliy Meclisiniñ reisi;
  • Andriy Sençenko, cemaat erbabı ve siyasetçi;
  • Yuriy Loşak, Ukraina Silâlı Quvetleriniñ zabiti;
  • İgor Ponoçovnıy, Qırım Muhtar Cumhuriyeti ve Aqyar şeeri Prokuraturasınıñ reberi;
  • Sergiy Mokruşın, jurnalist;
  • İgor Yaremenko, vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazirniñ muavini;
  • Mariya Sulâlina, aq qorçalayıcı;
  • Vladıslav Seleznöv, Ukraina Silâlı Quvetleriniñ zabiti;
  • Vladıslav Miroşnıçenko, Ukraina Prezidentiniñ Qırım Muhtar Cumhuriyetindeki Temsilciliginiñ baş mesleatçısı. 
  • Tetâna Kovtunovıç, Ukraina milliy hatıra institutındaki ağzaviy menbalarnı cedvelge aluv ve saqlav bölüginiñ reberi.

 

Taqdim etüvni aşağıdaki bağlantı vastasınen seyir etmege mümkün: https://www.youtube.com/watch?v=ETIzMURAohk