Prezident Milliy Havfsızlıq ve Mudafaa Şurasınıñ qararını amelge keçirdi

2019 senesi saban (mart) ayı 19 künü Ukraina Prezidenti 82 sanlı Fermanı ile Ukraina milliy havfsızlıq ve mudafaa Şurası 2019 senesi saban ayı 19 künü qabul etken ”Mahsus şahsiy iqtisadiy ve başqa sıñırlayıcı tedbirlerni (sanktsiyalarnı) qullanuv, lâğu etüv ve deñiştirüv” aqqında qararnı amelge keçirdi.

Sanktsiyalar 294 uquqiy ve 848 fizikiy şahısqa qarşı kirsetildi, çünki olar:

  • – Keriç boğazındaki naqliyat keçitiniñ qurucılığında iştirak etti;
  • – ukrain arbiy katerlerine qarşı etilgen silâlı ücümge ve ukrain deñizcilerniñ qanunsız alda apis etilüvine alâqalılar;
  • – Donetsk, Lugansk vilâyetleriniñ vaqtınca işğal etilgen topraqlarında ve Qırım yarımadasında sözde ”saylavlarnı” teşkil ettiler ve olarğa qol tuttılar;
  • – vaqtınca işğal etilgen ukrain Qırımnı ziyaret etüv esnasında Ukraina qanuniyetini aselet bozdılar;
  • – mündericesi Ukrainağa qarşı olğan matbuatnı darqatalar;
  • – Ukrainağa ait olğan müzey mülkiyetini qanunsız alda elde etip, qullanalar.

Bundan da ğayrı, RF Federal toplaşuvlar Federal Şurasınıñ reislerine ve RF Devlet Dumasınıñ deputatlarına qarşı sanktsiyalar kirsetildi.

Ukraina MHMŞ AB, AQŞ ve Kanada sanktsiyalarına oğrağan ayrı fizikiy ve uquqiy şahıslarğa qarşı da qoşma olaraq sıñırlayıcı tedbirlerini qullandı.

Bundan ğayrı, Ukraina Milliy bankınıñ teklifine binaen, istilâcı devletniñ 4 bankına qarşı da sanktsiyalar uzatıldı.

Aynı vaqıtta, sanktiyalar öz maqsadına yetkenleri sebebinden, Ukraina Havfsızlıq Hızmetiniñ teklifine binaen 8 uquqiy şahısqa qarşı sıñırlayıcı tedbirler lâğu etildi, olarnıñ ekseriyeti al-azırda öz hocalıq faaliyetini toqtattı.

Bundan da ğayrı, Ukraina Havfsızlıq Hızmetiniñ teşebbüsine binaen, bir fizikiy ve eki uquqiy şahıs aqqında malümatlarda tehnikiy hatalar tüzetildi.

Prezident Ukraina çetel işler Nazirligine qabul etilgen sanktsiyalar aqqında Avropa Birliginiñ, Amerika Qoşma Ştatlarınıñ ve başqa devletleriniñ mütenasip idare ve hızmetlerini haberdar etmege ve aynı sıñırlayıcı tedbirlerni olar tarafından da qabul etüv meselesini kötermege avale etti.

Tafsilâtlı malümatnı bu yerde oqumağa mümkün: https://www.president.gov.ua/documents/822019-262902