Ukraina Prezidenti AQŞ-na Qırım deklaratsiyası içün minnetdarlığını bildirdi

Ukraina Prezidenti Petro Poroşenko Ukrainağa ait olğan Qırımnı ilhaq etmek teşebbüsini tanımağan Vaşingtonnıñ tarihiy beyanatını Helsinkiden soñ Kremlniñ gibrid provokatsiyalarına munasip cevap olaraq adlandırdı. Petro Poroşenko Prezident Donald Trampnıñ Memuriyetine Ukrainanıñ halqara cemiyet tarafından qabul etilgen sıñırlarda territorial bütünligine qol tutuv boyunca deñişmez mevamı içün öz minnetdarlığını bildirldi. Qırımnıñ bizim devletimizge aitligi etrafında iç bir türlü bazarlıq olmaz.

Ukraina Prezidenti, AQŞ Devlet kâtibi Mayk Pompeonıñ yuqarıda qayd etilgen beyanatı Kremlni niayet imperialistik hayallardan marum etecegine eminligini bildirdi. Keçken vaqıtnıñ miqdarına baqmadan, mustaqil devletniñ bir qısımını silâ vastasınen işğal ve qanunsız şekilde ilhaq etüv yalıñız işğal etilgen topraqnıñ azat etilüvi, topraq bütünliginiñ ğayrıdan tiklenüvi ve istilâcı ketirgen zararlarnıñ ödenmesi ile bitecektir.

Petro Poroşenko Ukrainanıñ bütün samimiy dostlarını ve ortaqlarını Qırım Deklaratsiyasına (yani Pompeonıñ Deklaratsiyasına) qol tutmağa çağırıp, bizim ‘‘umumiy mevamımız – tanımamaq siyasetinden işğalden azat etüv siyasetine keçüv’’ olğanını qayd etti. Umumiy cebe ile Rusiyeni işğalni toqtatmağa ve halqara uquqqa riayet etmege mecbur etermiz. Qırım – Ukrainadır!