Prezident: Bütün Ukraina ile beraberlikte tek adamlarımıznı degil, topraqlarımıznı da qaytarırmız

Azat etilgen Ukraina vatandaşlarını qarşılağan soñ, «Ukraina Donbasta, şu cümleden Zolote mesken yerinde ordularnı ayıruv ceryanını devam etmege planlaştıra», – dep bildirdi Prezident Volodımır Zelenskiy.

”Bundan soñ biz bütün bizim insanlarımıznıñ azat etilmesine yaqınlaşacaqmız ve Minsk ceryanı çerçivesinde Zolote-Petrivske yönelişinden başlap, bütün topraqlarda tolu şekilde ordularnı ayıracaqmız, ateşni ve cenkni toqtatacaqmız”, – ”Borıspil” halqara ava limanında bulunğan arada dep bildirdi Devlet başlığı.

Volodımır Zelenskiyniñ sözlerine köre, bundan soñ eñ qıyın basamaq – topraqlarnı qaytaruv başlanacaqtır.

”Men bellesem, siz ile beraber, bütün Ukraina ile beraberlikte biz tek adamlarımıznı degil, topraqlarımıznı da qaytarırmız”, – dep qayd etti Prezident.

”Fikirimce, ekinci basamaqta biz ciddiy çalışıp, bütün insanlarımıznı qaytarırmız, azat etermiz”, – dep ayttı Prezident.

Aynı vaqıtta Devletniñ başlığı yaqalanğan qırımtatarlarnı azat etüv vaqıtını belgilemek imkânsız olğanını bildirdi.

Menba: https://www.president.gov.ua/news/prezident-razom-z-usiyeyu-ukrayinoyu-mi-povernemo-ne-tilki-l-57145?fbclid=IwAR15B42KxstRDoSRvEOrYomLJ5oxj2JKGXmK9KuvX50LaAIzitLbP2sjjws