Ukraina Prezidentiniñ Qırım MC Temsilciligi yarımadada yaşağan istidatlı balalarğa qol tutmaq maqsadınen mahsus fondnı teşkil etmege teklif etti

Ukraina Prezidentiniñ Qırım Muhtar Cumhuriyetindeki Temsilciligi yarımadada yaşağan istidatlı balalarğa qol tutmaq maqsadınen mahsus fondnı teşkil etmege teklif ete. Bu aqta brifing devamında Ukraina Prezidentiniñ Qırım MC Daimiy Temsilcisiniñ muavini Tamila Taşeva bildirdi.

”Yarımadada yaşağan insanlar, Qırımdan köçip kelgen insanlar ile işbirlik bizim içün müimdir. Em istidatlı balalar, em de Qırımdan medeniy ve tasil teşebbüsşer içün fondnıñ teşkil etilmesi aqqında söz yürsetecekmiz”, – dep qayd etti Ukraina Prezidentiniñ Qırım MC Daimiy Temsilcisiniñ muavini.

Tamila Taşevanıñ aytqanına köre, akimiyet organlarınıñ vekillerinen ve halqara donorlarnen böyle fondnıñ teşkil etilüvi boyunca bir sıra muzakereler keçirildi.

”İşğal etilgen topraqta yaşağan bir-de-bir bala Ukrainada keyfiyetli tasil almaq, stipendiya almaq içün muracaat ete bilir”, – dep qayd etti o.

Menba:https://www.president.gov.ua/news/predstavnictvo-prezidenta-ukrayini-v-krimu-iniciyuye-stvoren-58317