Ukraina Prezidentiniñ Qırım Muhtar Cumhuriyetindeki Temsilciligi vaqtınca işğal etilgen Qırım ve Aqyar şeeri topraqlarında Rusiye Federatsıyasınıñ işğalci memuriyetine boysunıp, uydurılğan cinaiy dava esasında qırımtatar faaleri Eldar Odamanovnı 14 künge, Şevket Üseyinovnı 15 künge, Aziz ve Asan Ahtemovlarnı ve Qırımtatar Milliy Meclis reisiniñ birinci muavini Nariman Celâlovnı 2 ayğa apis etken sözde ”mahkeme organlarınıñ” qararlarını taqbih ete

Bu kibi ”qararlar” yalıñız yaqalanğanlarnı etraf müitten ayıruvnı ve şahsiy aq-uquqları, semetdeşleriniñ aq-uquqları içün küreşken faallerniñ qorqutıluvını maqsat etip qoyğandır.

Yaqalanğanlarnıñ aqrabalarına qol tutuvımıznı bildiremiz. Ukraina vaqtınca işğal etilgen Qırımnıñ işğalden azat etilmesi, yaqalanğanlarnıñ azat etilmesi, bu ”qararlarnıñ” çıqarılmasında ve başqa cinayetlerde qabaatlı olğanlarnıñ mesüliyetke çekilmesi içün qolundan kelgenini yapacaqtır.

İşğalci akimiyetniñ bu kibi qanunsız areketleri ve insan aqlarınıñ bozulması meselesi Ukraina tarafından Qırım platforması meydançığında köterilecektir.

Nariman Celâlovnı ve diger Ukraina vatandaşlarını qanunsız şekilde yaqalağan RF areketlerini al-azırda taqbih etken halqara ortaqlarımızğa minnetdarlığımıznı bildiremiz.

Bütün halqara cemiyetni vaqtınca işğal etilgen Qırımda nevbetteki insan aqları bozuluvlarına qıymet kesip, Qırımtatar Milliy Meclis reisiniñ birinci muavini Nariman Celâlov ile diger Ukraina vatandaşlarınıñ siyasiy sebeplerden taqip etilmelerini eñ yaqın vaqıtta toqtatılması içün ğaretlerini birleştirmege çağıramız.