Ukraina Prezidentiniñ Qırım MC-deki Daimiy Temsilcisiniñ sabıq birinci yardımcısı iş yerinden berilgen daireni qanunsız şekilde istimlâq etüvde şeklene

Qırım Muhtar Cumhuriyeti Prokuraturası Ukraina Prezidentiniñ Qırım MC-deki Daimiy Temsilcisiniñ sabıq birinci yardımcısını Ukraina Ceza kodeksi 364 maddesiniñ 2-nci qısımı (öz vazifelerinen suistimal etüv) ve 366 maddesiniñ 2-nci qısımı (öz vazifelerini qullanıp yapılğan sahtecilik) boyunca qabaatlağanını haber etti.Mahkemeden evelki tahqiqat esnasında añlaşılğanına köre, 2014 senesi saban ayınıñ başında Rusiye Federatsiyası endi işğal etilgen yarımadanı semereli idaresi altına alğan soñ şeklengen şahıs işbu şaraitlernen faydalanıp ve vazifelerini suistimal etip Temsilcilikniñ şahsiyleştirüv ile oğraşmaq ve qullanuvında bulunğan devlet mülkiyeti aqqında qararlar çıqarmaq içün vekâletleri olmağanını añlay edi.


Buña baqmadan, işbu şahıs Qırım MC Aqmescit şeerindeki daire içün qanunsız şekilde mülkiyet aqqı aqqında şeadetnameni resmiyleştirdi. Bundan soñ devlet mülkiyetinde bulunğan daire qanunsız şekilde başqa şahısnıñ adına keçirildi ve böyleliknen devletimizge 509 478 grivnâ miqdarında zarar ketirildi.

Hatırlatamız ki, bundan evel Qırım MC Prokuraturası yuqarıda añılğan tahqiqat çerçivesinde mülkiyet aqqını istimlâq etmege aqqı olmağan uquqiy şahıs qanunsız şekilde devlet mülkiyetini bedava istimlâq etkeni sebebinden mahkemeden davanıñ açılmasını talap etken edi. Al-azırda davanıñ baqılması beklenmekte.

Tafsilâtlı malümat: https://bit.ly/3qthmqf

QırımMCProkuraturası #ПрокуратураАРКрым #CrimeaIsUkraine #QırımUkrainadır #Qırım#StopRussianAggression