Ukraina Prezidentiniñ Qırım MC-deki Daimiy Temsilcisi Anton Korınevıç Tavriysk şeerindeki Şimaliy-Qırım kanalı idaresini ziyaret etip, İdare başlığı Sergiy Şevçenko ile körüşti

”Temsilcilik ile İdareniniñ fikiri açıq-aydındır: Qırım işğalden azat etilmegence suv ile temin etilmeycek. Dnepr suvınıñ vaqtınca işğal etilgen Qırımğa ketmesine yol bermegen ve Herson vilâyetindeki cenübiy rayonlarınıñ suvarılmasına hızmet etken tesisatlarnıñ qaviyleştirilüvine dair bazı suallerimiz bar. Kanalnıñ hızmet etmesi içün lâzim olğan müim meselelerni, şu cümleden, kanalnıñ 107-nci kilometrinde bulunıp, bir taraftan Dnepr suvınıñ vaqtınca işğal etilgen Qırımğa ketmesine yol bermegen, diger taraftan ise Herson vilâyetindeki cenübiy rayonlarınıñ suvarılmasını eyileştirgen dambanıñ qurucılığını bitirmek kerek olğanını muzakere ettik”, – dep ikâye etti körüşüv aqqında Ukraina Prezidentiniñ Qırım MC-deki Daimiy Temsilcisi Anton Korınevıç.