(COVİD-19) tacmaraz hastalığınıñ darqaluvı sebebinden Ukraina topraqlarında karantin ya da sıñırlayıcı tedbirler devirinde Temsilcilikte vatandaşlarnı şahsiy qabul etüv TERTİBİ

Karantin devirinde vatandaşlarnı qabul etüv tertibi

Bu Tertip Ukraina Prezidentiniñ Qırım Muhtar Cumhuriyetindeki Temsilciliginiñ reberiyeti ve vekâletli şahısları tarafından vatandaşlarnıñ qabul etilmesini teşkil etüv ve keçirüv ceryanlarına esas talaplarnı belgiley

Ukraina Prezidentiniñ Qırım Muhtar Cumhuriyetindeki Temsilciliginiñ Avalesine 03.07.2020 yapılğan
24 sanlı ilâve

(COVİD-19)
tacmaraz hastalığınıñ darqaluvı sebebinden Ukraina topraqlarında karantin ya da sıñırlayıcı tedbirler devirinde Ukraina Prezidentiniñ Qırım Muhtar Cumhuriyetindeki Temsilciliginde vatandaşlarnı şahsiy qabul etüv TERTİBİ

 

  1. Bu Tertip (COVİD-19) tacmaraz hastalığınıñ darqaluvı sebebinden Ukraina topraqlarında karantin ya da sıñırlayıcı tedbirler devirinde Ukraina Prezidentiniñ Qırım Muhtar Cumhuriyetindeki Temsilciliginiñ reberiyeti ve vekâletli şahısları tarafından vatandaşlarnıñ qabul etilmesini teşkil etüv ve keçirüv ceryanlarına esas talaplarnı belgiley (ileride vatandaşlarnı şahsiy qabul etüv).
  1. Şahsiy qabulnı Temsilcilikniñ aşağıda qayd etilgen hadimleri keçire:

– Ukraina Prezidentiniñ Qırım Muhtar Cumhuriyetindeki Daimiy Temsilcisiniñ 25.11.2019 № 20 emiri ile tasdıqlanğan cedvelge binaen, bazar, bayram ve raatlıq künlerinden ğayrı, Skype ağı vastasınen (qullanıcı –  ark predstavnictvo) onlayn şekilde, evelden yazılğan vatandaşlarnı Ukraina Prezidentiniñ Qırım Muhtar Cumhuriyetindeki Daimiy Temsilcisi, Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini ve Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini (ileride – Temsilcilik reberiyeti) qabul eteler;

– Temsilcilikniñ diger memurları – (bazar, bayram ve raatlıq künlerinden ğayrı) er kün saat 08-00 – 12-00 ve 13-00 – 17-00 arasında Skype ağı vastasınen (qullanıcı –  ark predstavnictvo) onlayn şekilde, evelden yazılmağan vatandaşlarnı qabul eteler.

  1. Vatandaşlarnı Temsilcilikniñ reberiyeti tarafından qabul etüv cedveli Ukraina Prezidentiniñ Qırım Muhtar Cumhuriyetindeki Daimiy Temsilcisiniñ 25.11.2019 № 20 emiri ile tasdıqlanğan ve Temsilcilikniñ Internet saifesinde 

«http://www.ppu.gov.ua/citizens_requests/» ilân etilgendir.

  1. Temsilcilik reberiyetiniñ qabulına (raatlıq ve bayram künlerinden ğayrı) er kün 09-00 – 12-00 ve 13-00 – 16:00 saatleri arasında:
  2. –  (0552)49-59-39 nomeralı telefon vastasınen;
  3. – Skype ağında ark predstavnictvo adlı qullanıcı; – zvernennia@ppu.gov.ua elektron menzili vastasınen yazılmaq mümkündir.

Temsilcilik reberiyetiniñ şahsiy qabulına yazılmağa istegen vatandaş öz adını, soy adını ve babasınıñ adını, resmiy cevap yollanıla bilecek adresini, kontakt telefon nomeralarını ya da başqa alâqa vastalarını ve Temsilcilik memurı ile körüşüvinde koterecek meseleniñ mündericesini haber etmeli.

  1. Temsilcilik reberiyetiniñ şahsiy qabulına yazılğan vatandaşlarnıñ cedveli ve meleleriniñ mündericesine dair malümat vaqtınca işğal topraqlardan avuşqan vatandaşlarnen çalışqan hızmet (ileride – Hızmet) tarafından Temsilcilikniñ vekâletli memurına taqdim etile.
  1. Hızmet, Temsilcilik reberiyetiniñ şahsiy qabulına yazılğan vatandaşqa qabul etilecek vaqıtnı bildire.
  1. Vatandaşnı qabul etecek Temsilcilik memurı iş yerinde olmağanda, şahsiy qabulnı Temsilcilikniñ vekâletli memurı, ya da başqa hadimi keçire, Hızmet hadimi ise şahsiy qabulğa yazılğan vatandaşnı bu deñişmeler aqqında haberdar ete.

Temsilcilikniñ vekâletli memurı, ya da başqa hadimi tarafından keçirilecek qabulğa razı olmağan vatandaş «Vatandaşlarnıñ muracaatları aqqında» Ukraina qanunına binaen qayd etilip, baqılacaq muracaatnı yaza bile, ya da cedvelge binaen, Temsilcilik reberiyetiniñ nevbetteki qabulına yazıla bile.

  1. Ağızaviy şekilde köterilgen meselelerni Temsilcilik reberiyetiniñ şahsiy qabulında çezmek mümkün degil ise, vatandaş «Vatandaşlarnıñ muracaatları aqqında» Ukraina qanunına binaen qayd etilip, baqılğan muracaatnı yaza bile.

Muracaat baqılıp çıqqan soñ, neticeleri vatandaşqa (istegine köre) ağızaviy ya da yazılı şekilde bildirile.