AHİT Parlament Assambleyası Qırımnıñ Rusiye tarafından vaqtınca işğal etilüvini ve Azaq ile Qara deñizleriniñ arbiyleştirilüvini takbih etken rezölütsiyanı qabul etti

Bügün, 2019 senesi oraq (iyül) ayı 8 künü, AHİT Parlament Assambleyası ”Ukrainağa ait olıp, Rusiye Federatsiyası tarafından vaqınca işğal etilgen Qırım Muhtar Cumhuriyetiniñ, Aqyar şeeriniñ, Qara ve Azaq deñizleriniñ arbiyleştirilüvi” rezölütsiyanı içergen Lüksemburg deklaratsıyanı qabul etti.

Vesiqada AHİT PA Qırımnı qanunsız alda işğal etken ve yarımadanı ilhaq etmege tırışqan Rusiye Federatsiyanı bir kere daa takbih ete ve Rusiyeni qararını lâğu etip, işğalci küçlerni Qırımdan çıqarmağa ve yarımadanı Ukraina ükümetiniñ nezareti altına qaytarmağa çağıra.

Rezölütsiyada aza-devletler Qırım yarımadasınıñ devam etken arbiyleştirilüvinden ve Rusiye Federatsiyanıñ bu topraqlarda özek silânı yerleştirmek niyetinden sebep teren raatsızlıqlarını bildireler ve Azaq deñizini, Keriç boğazını ve Qara deñizini arbiyleştirgen Rusiyeni takbih eteler.

https://www.oscepa.org/documents/annual-sessions/2019-luxembourg/3880-luxembourg-declaration-rus/file?fbclid=IwAR2QcrnU3JzQt607dnuovolKfwZmAbuCD3FuWXj7hGsup0aQABUa7vhxJY0

https://www.oscepa.org/documents/annual-sessions/2019-luxembourg/3882-luxembourg-declaration-eng/file?fbclid=IwAR2blhQY4ELJDlRsBex99UHbzOXklNyCpwFN6zDrokN8XJTkuX4tX0_PwGU