”Qırım-Ukraina” tasil merkezleri öz faaliyetini ilk yaz (iyün) 3 künü başlaycaqlar

İşbu merkezler vastasınen vaqtınca işğal etilgen Qırımdan kelgen mezunlar qolaylaştırılğan usulnen, yani tışqı mustaqil baalvsız kiriş imtianlarnı tapşırıp, aliy oquv yurtlarına kire bileler.

Yani, Tışqı mustaqıl baalavni tapşırmağa kerekmey, ukrain pasportları ya da atestatları olmasa bile, zararı yoq.

Şunı da qayd etmek kerek ki, vaqtınca işğal etilgen topraqlardan kelgen er bir studentniñ adı mıtlaqa gizlene.

Qolaylaştırılğan usulnen faydalanmaq içün mezun:

– tasil merkezine muracaat etmeli,

– tasil beyanatını toldurmalı,

– ukrain tilinden, Ukraina tarihından ve esas fenden 3 imtian tapşırmalı (ya da icadiy yarıştan keçmeli).

”Qırım-Ukraina” merkezleri bu sene Ukrainanıñ çeşit regionlarındaki, bu cümleden, Kıyiv, Lvov, Mıkolayiv, Harkiv, Herson ve Zaporijjya şeerlerindeki 35 aliy oquv yurtnıñ temelinde çalışacaqlar.

Merkezlerniñ tolu cedveli ile adreslerinen bu yerde tanışmaq mümkün: https://mon.gov.ua/…/osvitni-c…/osvitni-centri-krim-ukrayina