Vaqtınca işğal etilgen Donetsk ve Lugansk vilâyetleriniñ, Qırım MC ve Aqyar şeeriniñ topraqlarından kelip çıqqan şahıslarğa dair özüni etraf müitten ayıruv talapları deñişti

Ukraina Naziler Şurası 2021 senesi qara qış ayınıñ 5-de vaqtınca işğal etilgen Donetsk ve Lugansk vilâyetleriniñ, Qırım MC ve Aqyar şeeriniñ topraqlarından kelip çıqqan şahıslarğa dair özüni etraf müitten ayıruv talaplarını deñiştirdi. Bu aqta brifing esnasında Ukraina sağlıq saqlav Naziriniñ muavini Viktor Lâşko haber etti.

”Karantin ile bağlı qararname, COVİD-19 yayılmasına yol bermemek ve vaqtınca işğal etilgen topraqlardan kelip çıqqan şahıslarnıñ özlerini etraf müitten ayıruvlarını taqip etmek maqsadınen ”Vdoma” (”Evde”) elektron hızmetininiñ qullanılmasını talap ete.  KÇÇN-da yapılğan ekspress testlerniñ neticeleri belgilengen algoritm esasında er kün ”Evde” elektron hızmetine yollanılacaq, böyleliknen, özüni etraf müitten ayıruvnıñ toqtatılmasına hızmet etecektir”, – dep qayd etti Viktor Lâşko.

Bundan ğayrı, nazir muavini aşağıdaki şahıslar özüni etraf müitten ayıruvdan azat etilgenini qayd etti:

(COVİD-19 hastası ile körüşmegen) 12 yaşını toldurmağan balalar ve aliy oquv yurtlarına kirmege niyetlengen şahıslar;
Ukrainada akreditatsiyası olğan resmiy halqara missiyaları temsilcilikleriniñ hadimleri.
Qararnamege binaen, özüni etraf müitten ayıruv aşağıdaki allarda toqtatıla:
hastalıq alâmetleri olmağan şahıslarda künden soñ (özüni etraf müitten ayıruvnıñ müddeti);
menfiy PLR-test neticeleri alınğan soñ;
vaqtınca işğal etilgen topraqlar ile kiriş-çıqış nezaret etüv noqtalarnı keçken soñ tapşırılğan antigen ekspress testi menfiy netice bergen soñ.

”Qara qış ayınıñ 12-de Ukraina Devlet sıñır hızmeti ile keçirilgen muşavere esnasında vaqtınca işğal etilgen Donetsk ve Lugansk vilâyetleriniñ, Qırım MC ve Aqyar şeeriniñ topraqları ile sıñırlarda kiriş-çiqış nezaret etüv noqtalarında SARS-CoV-2 koronavirus antigenini belgilegen testlerniñ yapılması ile bağlı olğan teşkiliy meselelerni uyğunlaştırdıq. Ayrıca şunı da qayd etmege isteyim ki, antigenini belgilegen testler Ukraina vatandaşları içün bedava yapılacaqtır. Bunıñ yerine ketirilmesi içün Ukraina sağlıq saqlav Nazirliginiñ 19 sanlı emirine binaen al-azırda 1,8 million ekspress-test ayırıldı” – dep qayd etti Viktor Lâşko.

Herson vilâyetiniñ devlet memuriyeti tarafından berilgen malümat esasında