Rusiye tarafından Qırımnı işğal etüv halqara kün tertibiniñ eñ müim meselelerinden biri olaraq qalmağa devam ete

2019 senesi ilk qıs (dekabr) ayı 10 künü Brüsselde Tışqı faaliyet boyunca Avropa hızmeti ve Avropa komissiyası aliy memurlarınıñ yedinci körüşüvi olıp keçti, körüşüvde Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korineviçniñ başlığında ukrain eyeti de iştirak ettti.

Avropa Birligi ile Ukraina Qırımnı ve Aqyarnı işğal etmek ıntıluvlarnıñ neticelerini muzakere ettiler. Muzakere etilgen mevzular arasında havfsızlıq meselesi, yarımadada insan aqları saasında vaziyet ve sıñırlayıcı tedbirler de bar edi. Körüşüv iştirakçileri halqara meydançıqlarında işbirlik aqqında añlaştılar.

AB Rusiyeniñ Qırım yarımadasını qanunsız alda ilhaq etmek ıntıluvlarını tanımağanını ve tanımaycağını, halqara cemiyet tarafından tanılğan sıñırlarda Ukrainanıñ topraq bütünligine qol tutqanını bir kere daa tasdıqladı.

Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç qayd etkenine köre, ”Brüsselge iş ziyareti esnasında, Tışqı faaliyet boyuca Avropa hızmeti ve Avropa komissiyası ile aqıl tanışuvdan ğayrı, Ukraina eyeti Avropa Birligi yanındaki Avropa Şurasınıñ Elçisi Zoltan bey Taubner ile iş körüşüvini keçirdi. Elçi beyge qol tutuvı içün minnetdarlığımıznı bildirip, Qırımdaki vaziyetni tarif ettik ve Qırım mevzusı etrafında işbirlik imkânlarını muzakere ettik”.