Oraq ayi 13 künü Ukraina Prezidenti Volodımır Zelenskiy iş ziyareti çerçivesinde Herson vilâyetinde bulunacaqtır

İş ziyareti esnasında Volodımır Zelenskiy ”Çonğar” kiriş-çıqış nezaret noqtasındaki infratekripnen ve sıñırdan keçüv şaraitlerinen tanışıp, ”Çonğar” ve ”Qalançaq” KÇNN-nıñ abadanlaştırıluvınen bağlı olğan leyhalarnı yerine ketirüv meseleleri boyunca muşavere keçirecektir.

Prezident daa yaqında tayın etilgen Ukraina Qırım MC-deki Daimiy Temsilcisini ve Herson vilâyeti devlet memuriyetiniñ reisini taqdim etecektir.


İnsan aqları boyunca BMT Nezaret etici missiyası ile işbirlik

2019 senesi oraq (iyül) ayı 12 künü Ukraina Prezidentiniñ Qırım MC-deki Daimiy Temsilcisi Anton Korınevıç Ukrainada İnsan aqları boyunca BMT Nezaret etici missiyasınıñ reis muavini, Odesa, Mıkolayıv ve Herson vilâyetlerindeki Missiya temsilciliginiñ reisi Diarmud Kunniff, Missiyanıñ insan aqları saasında mütehassısı Vitaliy Hilko ile Temsilcilikte körüşti “İnsan aqları boyunca BMT Nezaret etici missiyası ile işbirlik”


Ukraina Prezidenti Volodımır Zelenskiy Rusiye Prezidenti Volodımır Putin ile telefon subetini keçirdi

2019 senesi oraq (iyül) ayı 11 künü Ukraina Prezidenti Volodımır Zelenskiy Rusiye Prezidenti Volodımır Putin ile telefon subetini keçirdi. Esas mesele – esirge alınğan ukrain deñizcileriniñ azat etilüvidir. Bundan ğayrı, RF topraqlarında tutulğan başqa Ukraina vatandaşlarınıñ qaytarıluvı aqqında söz yürsetildi “Ukraina Prezidenti Volodımır Zelenskiy Rusiye Prezidenti Volodımır Putin ile telefon subetini keçirdi”



AHİT Parlament Assambleyası Qırımnıñ Rusiye tarafından vaqtınca işğal etilüvini ve Azaq ile Qara deñizleriniñ arbiyleştirilüvini takbih etken rezölütsiyanı qabul etti

Bügün, 2019 senesi oraq (iyül) ayı 8 künü, AHİT Parlament Assambleyası ”Ukrainağa ait olıp, Rusiye Federatsiyası tarafından vaqınca işğal etilgen Qırım Muhtar Cumhuriyetiniñ, Aqyar şeeriniñ, Qara ve Azaq deñizleriniñ arbiyleştirilüvi” rezölütsiyanı içergen Lüksemburg deklaratsıyanı qabul etti “AHİT Parlament Assambleyası Qırımnıñ Rusiye tarafından vaqtınca işğal etilüvini ve Azaq ile Qara deñizleriniñ arbiyleştirilüvini takbih etken rezölütsiyanı qabul etti”


Anton Korınevıç ”Qalançaq” ve ”Çonğar” KÇNN-ni ziyaret etti

2019 senesi oraq (iyül) ayı 8 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Temsilcilikniñ hadimleri ile beraber ”Qalançaq” ve ”Çonğar” KÇNN-ni ziyaret etip, keçit noqtalarınıñ abadanlaştırıluvı ve Ukrainanıñ vaqtınca işğal etilgen Qırım MC ile memuriy sıñırındaki vaziyet ile tanış oldı “Anton Korınevıç ”Qalançaq” ve ”Çonğar” KÇNN-ni ziyaret etti”



Anton Korınevıç Halqara yazlıq ”Serbestlik lagerini” ziyaret etti

2019 senesi oraq (iyül) ayı 4 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Halqara yazlıq ”Serbestlik lagerininiñ” faaliyetinde iştirak etti, bu lagerde Ukrainanıñ ve Avropanıñ çeşit köşelerinden kelgen yaşlar fikir almaşuvı içün toplanıp, bütün dünyadaki qurtulış areketlerinen, zorbalıqsız küreşniñ şekillerinen, insan aqlarını ve tamır halqlarını qorçalav boyunca BMT vastalarınen tanış ola “Anton Korınevıç Halqara yazlıq ”Serbestlik lagerini” ziyaret etti”


Ukrainada Büyük Britaniya Elçihanesiniñ ekinci kâtibi ile körüşüv

2019 senesi oraq (iyül) ayı 4 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, memleket içinde mecburen köçken insanlarnıñ ve vaqtınca işğal etilgen Qırım MC sakinleriniñ vaziyeti ile tanışmaq maqsadınen Herson vilâyetinde iş ziyareti ile bulunğan Ukrainada Büyük Britaniya Elçihanesiniñ ekinci kâtibi Şivon hanım Rayt ile körüşti “Ukrainada Büyük Britaniya Elçihanesiniñ ekinci kâtibi ile körüşüv”