Volodımır Zelenskıy: Ukrainalılar öz menligini qorçalamağa ve serbestlikleri içün küreşmege aqiqaten de bileler

Menlik ve Serbestlik Kününde Prezident Volodımır Zelenskıy yañı Ukrainanı beraberlikte qurmaq içün vatandaşlarnı birlikke çağırdı.

”Menlik ve Serbestlik Künü er birimiz içün müimdir. O, eki inqlâpnıñ başlanuvınen bağlı, o zaman millionlarnen vatandaşlarnıñ sesleri milletniñ yekâne sesine çevirilip, ukrainalılar serbest, demokratik ve bereketli devlette yaşamağa istegenlerini ve yaşaycaqlarını bildirdi. Menlik ve serbestlik bizim DNEmizniñ ayırılmaz qısımıdır. Onıñ içün ukrainalılar barikadlarda öz menligini qorçalamağa ve serbestlikleri içün küreşmege aqiqaten de bileler. Yazıqlar olsun ki, bu küreşte biz fiyatlardan eñ yüksegini ödedik, yani insanlar öz ayatlarını ğayıp etti”, – Kıyiv şeerinde Menlik ve Serbestlik Künü munasebetinen keçirilgen tedbirlerde dep qayd etti Ukraina Prezidenti “Volodımır Zelenskıy: Ukrainalılar öz menligini qorçalamağa ve serbestlikleri içün küreşmege aqiqaten de bileler”


Anton Korınevıç: ”Bizim maqsadımız – Qırımnı işğalden azat etüv ve vaqtınca işğal etilgen topraqlarnı ğayrıdan itegratsiya etüv”

Ukraina Prezidentiniñ Qırım Muhtar Cumhuriyetindeki Temsilciliginiñ Herson ve Kyıv şeerlerinde ofisleri olacaq, dep qayd etti Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç.

O qayd etkenine köre, Temsilcilikniñ Herson şeerindeki ofisi qırımlılarnıñ aq-uquqlarını qorçalamağa devam etecek. Bu cümleden, vesiqalarını almağa, ukrain aliy oquv yurtlarına kirmege, mesken almağa yardım etecektir. Başkentteki ekinci ofisi ise merkeziy akimiyet organlarınen, halqara teşkilâtlarınen ve çetel devletlerniñ elçihanelerinen operativ şekilde bağ tutmaq içün kerek “Anton Korınevıç: ”Bizim maqsadımız – Qırımnı işğalden azat etüv ve vaqtınca işğal etilgen topraqlarnı ğayrıdan itegratsiya etüv””


Ukraina Prezidentiniñ Qırım MC Daimiy Temsilcisi Anton Korınevıç Temsilcilikniñ faaliyetindeki esas yönelişlerni taqdim etti

Bügün, 2019 senesi boş ay (noyabr) 13 künü Ukraina Prezidentiniñ Ofisinde Ukraina Prezidentiniñ Qırım Muhtar Cumhuriyetindeki Temsilciliginiñ yañı taqımı brifing keçirdi.

Brifing devamında Ukraina Prezidentiniñ Qırım MC Daimiy Temsilcisi Anton Korınevıç Temsilcilikniñ faaliyetindeki esas yönelişlerni taqdim etti: ” Strategik maqsatlarımız aqqında söz yersetsek, ilk nevbette men qanun yaratıcılıq yönelişindeki faaliyetimizni qayd eter edim. Bu, Temsilcilik aqqında Ukraina Qanunı ve mütenasip Prezident Fermanı boyunca bizim vekâletlerimizdir. Yani, biz kerçekten de Qırım ve qırımlılar içün kerek olğan qanun leyhalarını azırlağan bir organ olmağa tırışacaqmız. Bazı neticelerimiz bar. Olarnı kenişletmege ümüt etemiz. Elbette, biz qırımlılarnıñ aq-uquqlarını qorçalağan ve qırıımlılarğa nisbeten sözde diskriminatsion maddellerinden qaçınğan qanun leyhaları üzerinde çalışacaqmız” “Ukraina Prezidentiniñ Qırım MC Daimiy Temsilcisi Anton Korınevıç Temsilcilikniñ faaliyetindeki esas yönelişlerni taqdim etti”


Keçici devirde adliye ümdesiniñ leyhası eñ yaqın vaqıtta cemaatqa taqdim etilecek – Ukraina Prezidentiniñ Qırım MC Daimiy Temsilcisiniñ birinci muavini

”Dava ile silâlı tecavüzniñ aqibetlerini aşuv boyunca ”yol haritası” olaraq keçici devirde milliy adliye ümdesiniñ leyhası eñ yaqın vaqıtta taqdim etilecek”, – dep haber etti Ukraina Prezidentiniñ Qırım MC Daimiy Temsilcisiniñ birinci muavini Darya Svırıdova.

Prezident Ofisinde olıp keçken brifing devamında o, Temsilcilikniñ strategik vazifeleri arasında silâlı tecavüzniñ aqibetlerini aşuv ve tınçlıqqa keçüv vastası vazifesini becerecek keçici devirde milliy adliye ümdesiniñ leyhasınıñ azırlanması olğanını qayd etti “Keçici devirde adliye ümdesiniñ leyhası eñ yaqın vaqıtta cemaatqa taqdim etilecek – Ukraina Prezidentiniñ Qırım MC Daimiy Temsilcisiniñ birinci muavini”


Ukraina Prezidentiniñ Qırım MC Temsilciligi yarımadada yaşağan istidatlı balalarğa qol tutmaq maqsadınen mahsus fondnı teşkil etmege teklif etti

Ukraina Prezidentiniñ Qırım Muhtar Cumhuriyetindeki Temsilciligi yarımadada yaşağan istidatlı balalarğa qol tutmaq maqsadınen mahsus fondnı teşkil etmege teklif ete. Bu aqta brifing devamında Ukraina Prezidentiniñ Qırım MC Daimiy Temsilcisiniñ muavini Tamila Taşeva bildirdi.

”Yarımadada yaşağan insanlar, Qırımdan köçip kelgen insanlar ile işbirlik bizim içün müimdir. Em istidatlı balalar, em de Qırımdan medeniy ve tasil teşebbüsşer içün fondnıñ teşkil etilmesi aqqında söz yürsetecekmiz”, – dep qayd etti Ukraina Prezidentiniñ Qırım MC Daimiy Temsilcisiniñ muavini “Ukraina Prezidentiniñ Qırım MC Temsilciligi yarımadada yaşağan istidatlı balalarğa qol tutmaq maqsadınen mahsus fondnı teşkil etmege teklif etti”


”Sükünet divarı” ile qoralanğan ”qorqu yarımadası”. Ukraina Yuqarı Şurasında vaqtınca işğal etilgen Qırımda Rusiye Federatsiyasınıñ işğalci akimiyeti tarafından ukrain jurnalistlerine qarşı yapılğan cezalavlar aqqında qonuştılar

Boş ay (noyabr) 06 künü Ukraina Yuqarı Şurasında ”Ukrainada jurnalist faaliyetiniñ havfsızlığı: vaziyet, problemalar ve olarnı çezüv yolları” mevzusında parlament diñlevleri ötkerildi.

Diñlevlerde aq qorçalayıcılar ve Qırım matbuat vastalarınıñ vekilleri Rusiye tarafından vaqtınca işğal etilgen Qırımda söz serbestligini sıñırlav, mustaqil jurnalistik faaliyetini yoq etüv ve jurnalistlerni taqip etüv kibi muim bir mevzunı köterdiler “”Sükünet divarı” ile qoralanğan ”qorqu yarımadası”. Ukraina Yuqarı Şurasında vaqtınca işğal etilgen Qırımda Rusiye Federatsiyasınıñ işğalci akimiyeti tarafından ukrain jurnalistlerine qarşı yapılğan cezalavlar aqqında qonuştılar”


Darya Svırıdovanı Temsilcilikniñ taqımında qarşılaymız!

Bügün Darya Oleksandrovna Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini vazifesine tayin etildi.

Darya Svırıdova – belli aq qorçalayıcı, Qırım meseleleri boyunca yüksek ihtisaslı mütehassıs, 2008 senesinden berli (Qırım Muhtar Cumhuriyetindeki) Yalta şeerinde ve umumen Qırım yarımadasında insan aqları saasında maarifçilik ile oğraştı. 2012 senesi İnsan aqları boyunca Ukraina-Helsinki birliginiñ adliyeciler ve abulqatlar içün Tasil leyhalarınıñ yöneticisi olaraq çalışmağa başladı. 2014 senesi yüz bergen Qırım işğali onı Kıyiv şeerine köçmege mecbur etti, başkentte o, aq qorçalav faaliyetini devam ettirdi.

Darya hanımğa Temsilcilikniñ faaliyetine öz issesini qoşmağa razı olğanı içün teşekkür etemiz ve Qırımnı qaytaruv içün küreşmege, insan ve vatandaş aqlarını qorçalamağa azır olğan teşebbüsli ve tecribeli insanlar aramızda artqanına quvanamız.

”D. Svırıdovanı Ukraina Prezidentiniñ Qırım Muhtar Cumhuriyetindeki Daimiy Temsilcisiniñ birinci muavini vazifesine tayin etilüvi aqqında” UKRAİNA PREZİDENTİNİÑ №360/2019-рп EMİRİ


”Vaqtınca işğal etilgen Qırımda yaşağan balalar ve gençler ile çalışmamız bizim içün muimdir”, – Anton Korınevıç ”Birlik forumında” çıqışta bulundı

Ukraina Prezidentiniñ Qırım MC-deki Daimiy Temsilcisi Anton Korınevıç Mariupol şeerinde keçirilgen ”Birlik forumınıñ” ”Soñsız kelecekten yarınğa planlarğa qadar. Vaqtınça işğal etilgen topraqlarda yaşağan vatandaşlarımıznen alâqalarımıznıñ saqlanması içün Ukrainanıñ gumanitar siyaseti” sessiyasında Qırımda yaşağan balalar ve gençler ile bağ tutmaq Ukraina içün müim olğanını qayd etti. Bu, vaqtınca işğal etilgen Qırım Muhtar Cumhuriyetine ve Aqyar şeerine ukrain devletçiligini qaytarmağa yardım etecek yedegimizdir.

Anton Korınevıç qırımlılarnıñ tasil aluv ile bağlı olğan belli problemalarına ve Qırım gençleri ile munasebetlerini ğayrıdan tiklenmesine ve qurulmasına hızmet ve yardım etecek bazı vastalarğa diqqat celp etti “”Vaqtınca işğal etilgen Qırımda yaşağan balalar ve gençler ile çalışmamız bizim içün muimdir”, – Anton Korınevıç ”Birlik forumında” çıqışta bulundı”