Herson vilâyetinde iş aftası Qırım meselelerinden başlandı

2020 senesi qara qış (yanvar) ayı 13 künü Ukraina Prezidentiniñ Qırım MC-deki Daimiy Temsilcisi Anton Korınevıç ve onıñ muavini Tamila Taşeva Herson vilâyeti devlet memuriyetinde selektor muşaverede iştirak ettiler. Qırım MC ile Aqyar şeeriniñ sakinleri ve memleket içinde köçken şahıslar içün muim olğan meselelerni muzakere ettiler.

Qırım gençleri içün qıta Ukrainada mevcüt olğan imkânlar boyunca kütleviy haber kompaniyasınıñ keçirilüvi, tasil hızmetleriniñ berilüvini qolaylaştıruv, Qırımda yaşağan balalarnıñ ukrain tasil ve medeniy leyhalarına daa faal şekilde celp etilüvine qol tutuv aqqında añlaştılar “Herson vilâyetinde iş aftası Qırım meselelerinden başlandı”


Temsilcilik reberiyetiniñ qırımtatar halqınıñ liderleri ile iş körüşüvi

2020 senesi qara qış (yanvar) ayı 09 künü Ukraina Prezidentiniñ Qırım MC-deki Temsilciliginiñ teşebbüsi ile Temsilcilikniñ reberiyeti qırımtatar halqınıñ liderleri, Meclis azaları, Qurultay delegatları ve cemaat teşkilâtlarınıñ vekilleri ile iş körüşüvini keçirdi.

Körüşüvde Temsilcilik 2019 senesi devamında alıp barğan faaliyetniñ neticeleri, 2020 senesi içün ilk nevbetteki yönelişleri, Temsilcilikniñ Qırımtatar Milliy Meclisi ile stategik bağ tutuv ve işbirlik meseleleri muzakere etildi “Temsilcilik reberiyetiniñ qırımtatar halqınıñ liderleri ile iş körüşüvi”


2019 senesi ilk qış (dekabr) ayı 29 künü bir vaqıtta keçirilgen deñişüv esnasında Lugansk ve Donetsk vilâyetleriniñ vaqtınca işğal etilgen rayonlarında tutulğan Ukraina vatandaşları azat etildi

Beş yıl devamında azat etilmeleri talap etilgen 76 vatandaşımız evlerine qayttı. Al-azırda olarnıñ episi telükesiz yerde, Ukrainanıñ nezareti altındaki topraqlarda buluna.

Berim (sentâbr) ayınıñ başında ve bügün olıp keçken deñişüvler cemiyette çoqtan-çoq munaqaşalar doğurdı. Kerçerten de, vatandaşlarımıznıñ azat etilmesi, yaqınları tarafından quçaqlanıp alınması içün tölegen fiyatımız pek yüksektir “2019 senesi ilk qış (dekabr) ayı 29 künü bir vaqıtta keçirilgen deñişüv esnasında Lugansk ve Donetsk vilâyetleriniñ vaqtınca işğal etilgen rayonlarında tutulğan Ukraina vatandaşları azat etildi”


2019 senesi ilk qış ayı 28 künü Ukraina Prezidentiniñ ömür arqadaşı Olena Zelenska Qırım balalarını yañı yıl masalına davet etti

Qırımdan 2014 senesi köçmege mecbur olğan vatandaşlarnıñ balaları, Odesandan qoranta şekilinde balalar evleriniñ terbiyelenicileri, ”Qırım ailesi” tasil-medeniy merkeziniñ iştirakçileri, Qırım faalcileriniñ ve aq qorçalayıcılarnıñ balaları bügün kerçek masalda, yani Himeralı evde keçirilgen yañı yıl detektivinde iştirak ettiler. Baş qaramanlarnen beraber olar öglerinde qoyulğan vazifelerni becerdiler, meselelerni çezdiler, yardım qıdırdılar, sırlarnı açtılar, elbette, bahşışlar aldılar.

Balalarnıñ samimiy quvançı ve ayranlıqları balalarğa yardım etüv, olarğa sevgi bağışlav ve kelecek içün ğayretlerni birleştirüv büyük bir iş olğanını bir kere daa isbatlay.

Birinci ledi ofisine bu yañı yıl mücizesine davet etüv içün öz minnetdarlığımıznı bildiremiz.


Ukraina Prezidentiniñ Qırım Muhtar Cumhuriyetindeki Temsilciligi Rusiye ile Rusiye Federatsiyası tarafından vaqtınca işğal etilgen Ukraina topraqları – Qırım Muhtar Cumhuriyeti ve Aqyar şeeri arasında 2019 senesi ilk qıs (dekabr) ayı 23 künü açılğan demiryol vastasınen naqliyat qanunsız olğanını qayd ete.

Vaqtınca işğal etilgen Qırımğa kirişni/çıqışnı tek ukrain tarafınen añlaşqan soñ ve memuriy sıñırda yerleşken KÇNN-den yapmaq mümkündir.

Bundan ğayrı, Rusiye Federatsiyası Prezidenti V. Putin, Ukraina ile añlaşmayıp, 2019 senesi ilk qış ayı 23 künü Rusiye Federatsiyası tarafından vaqtınca işğal etilgen Ukraina topraqlarını – Qırım Muhtar Cumhuriyetini ve Aqyar şeerini ziyaret etkenini Temsilcilik takbih ete.

RF-nıñ işbu areketleri Ukrainanıñ egemenligini ve topraq bütünligini qaba şekilde boza, medeniy dünya tarafından tanılğan halqara uquq şartlarını ve qaidelerinı Kreml körmemezlikke urğanını köstere.

Şunı tekrarlamaq isteymiz ki, RF tarafından Qırımğa nisbeten yapılğan iç bir areket Qırım Muhtar Cumhuriyetiniñ ve Aqyar şeeriniñ Ukraina Esas qanunında ve halqara seviyede Ukrainanıñ ayırılmaz bir parçası olaraq pekitilgen statusını deñiştiremez.


Ukraina Prezidentiniñ Qırım Muhtar Cumhuriyetindeki Temsilciliginde boş vazifelerge ilân etilgen konkursta iştirak etmege aveslengen vatandaşlarnıñ diqqatına

Ukraina Prezidentiniñ Qırım Muhtar Cumhuriyetindeki Temsilciligi (ileride – Temsilcilik) devlet hızmetinde boş vazifelerge ilân etilgen konkursta iştirak etmege aveslengen vatandaşlarnı haberdar etmekte: НАДС haber etkenine köre,  devlet hızmetinde vazifeler boyunca https://career.gov.ua/ НАДС Yekâne portalı (ileride – Yekâne portal), 2019 senesi ilk qış (dekabr) ayı 18 kününden başlap, 2019 senesi ilk qış (dekabr) ayı 19 künü saat 13:00 qadar çalışmağanından sebep, Temsilcilik apparatınıñ reberi 06.12.2019 № 63-к/н ve 11.12.2019 № 65-к/н emirlerinen ilân etken konkurslar boyunca arizalarnı qabul etüv 2019 senesi ilk qış ayı 22 kününece yzatıldı.

НАДС haber etkenine köre, Yekâne portalğa 2019 senesi ilk qış ayı 14 ile 18 künleri arasında yüklengen malümatlar eksik olğanına da ayrıca diqqatıñıznı celp etemiz.

Belgilengen tertipke köre ve qayd etilgen müddette malümatlarnı tapşırğan şatıslarnıñ devlet hızmetine teñ irişim aqlarına riayet etmek maqsadınen, Yekâne portal vastasınen 2019 senesi ilk qış ayı 14 ile 18 künleri arasında öz vesiqalarını tapşırğan işbu şahıslarğa НАДС devlet hızmetinde boş vazifelerni ilân etken devlet müessiseleriniñ konkurs komissiyalarına muracaat etip, yuqarıda qayd etilgen malümatlarnıñ mevcüdiyetini teşkermege tevsiye ete.

Yuqarıda añılğan НАДС tevsiyelerini işbu yerde oqumaq mümkün: http://bit.ly/2ZerOoM


“Qalançaq” KÇNN-da hızmet zonası açıldı

2019 senesi ilk qış (dekabr) ayı 19 künü Avropa ve Avropa-atlantık integratsiya meseleleri boyunca Ukraina Baş naziriniñ muavini Dmıtro Kuleba, Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve Herson vilâyeti devlet memuriyetiniñ reisi Yuriy Gusev Herson vilâyeti ile vaqtınca işğal etilgen Qırım arasındaki memuriy sıñırda “Qalançaq” KÇNN-nıñ yañı hızmet zonasını açtılar.

Baş naziriniñ muavini ayrıca qayd etti ki, bu keçit noqtası ve hızmet zonası vaqtınca çalışacaq, Qırım yarımadası işğalden azat etilgen soñ, olar kereksiz olur ““Qalançaq” KÇNN-da hızmet zonası açıldı”


Rusiye tarafından Qırımnı işğal etüv halqara kün tertibiniñ eñ müim meselelerinden biri olaraq qalmağa devam ete

2019 senesi ilk qıs (dekabr) ayı 10 künü Brüsselde Tışqı faaliyet boyunca Avropa hızmeti ve Avropa komissiyası aliy memurlarınıñ yedinci körüşüvi olıp keçti, körüşüvde Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korineviçniñ başlığında ukrain eyeti de iştirak ettti.

Avropa Birligi ile Ukraina Qırımnı ve Aqyarnı işğal etmek ıntıluvlarnıñ neticelerini muzakere ettiler. Muzakere etilgen mevzular arasında havfsızlıq meselesi, yarımadada insan aqları saasında vaziyet ve sıñırlayıcı tedbirler de bar edi. Körüşüv iştirakçileri halqara meydançıqlarında işbirlik aqqında añlaştılar “Rusiye tarafından Qırımnı işğal etüv halqara kün tertibiniñ eñ müim meselelerinden biri olaraq qalmağa devam ete”


“Qırımdaki narazlıq areketi qadın yüzlüdir”, – Tamila Taşeva

2019 senesi ilk qış (dekabr) ayı 10 künü Üçünci Ukrain Qadın Kongresi öz işini başladı. Kongresniñ ekinci paneli aq qorçalav saasında qadın imkânlarınıñ muzakere etilüvine bağışlandı.

Tamila Taşeva qadın areketi ilk nevbette birdemlikni ifade etkenini qayd etti. Qırımda simdiki narazlıq areketi qadın yüzlüdir. Siyasiy mabuslarnıñ anaları, refiqaları, qız qardaşları, tataları ve qızları, erkeksiz qalıp, em qorantalarını baqalar, em de erkekleriniñ azat etilmesi içün küreşniñ ağır yüküni öz boyunlarına alalar ““Qırımdaki narazlıq areketi qadın yüzlüdir”, – Tamila Taşeva”