(AQŞ) Helsinki komitetinde «İşğaldeki yaşayış: Qırımda insan aqları saasında vaziyet» mevzusında diñlevler. Ukraina Prezidentiniñ Qırım MC Daimiy Temsilcisiniñ muavini Tamila Taşevanıñ çıqışından esas iddialar

Aman-aman 6 yıl evel Rusiye, Ukrainağa ücüm etip, Qırımnı işğal etti, yarımadanı ilhaq etmege tırıştı ve al-azırda öz aktörları vastasınen Ukrainanıñ şarqında gibrid cenkni alıp barmaqta. Bütün medeniy dünya Ukrainanıñ topraq bütünligine qol tutuv oğrunda birleşti, cesür ukrain halqı bu ücümni toqtattı, amma millionlarnen vatandaşlarımız işğalde yaşamağa mecbur oldı.

Qırım Muhtar Cumhuriyetinde ve Aqyar şeerinde yaşağanlarnıñ episine Rusiye zorbalıqnen öz pasportlarını aldırdı, amma Ukraina da, halqara cemiyet de işbu pasportlarnı ve ealige berilgen işğalci devletniñ vatandaşlığını tanımay. Rusiye pasportını almadan Qırımda yaşamağa mümkün degil – içtimaiy hızmetler, tıbbiy hızmetlerge irişim tek işbu pasportları olğan adamlarğa berile.

Ukrainanıñ bu mesele boyunca mevamı açıq-aydın ve mantıqlıdır – Qırım Muhtar Cumhuriyetinde ve Aqyarda yaşağan isanlar Ukraina vatandaşları olaraq qalmağa devam eteler, Rusiye Federatsiyasınıñ vatandaşlığını ise almaylar ” (AQŞ) Helsinki komitetinde «İşğaldeki yaşayış: Qırımda insan aqları saasında vaziyet» mevzusında diñlevler. Ukraina Prezidentiniñ Qırım MC Daimiy Temsilcisiniñ muavini Tamila Taşevanıñ çıqışından esas iddialar”


Volodımır Zelenskıy Donbasta, Qırımda ve Rusiyede tutulğan ukrainalılarnı azat etüvde yardım istep, Papa Frantsıska muracaat etti

Ukraina Prezidenti Volodımır Zelenskıy ömür arqadaşı Olena ile Vatikanda Papa Aziz Frantsısk ile körüşti.

Devlet başlığı Ukraina topraqlarına tınçlıq ketirüv meselesinde Aziz Taht müim vazife becere bilecegini qayd etti.

«Muzakere etilgen meselelerden eñ müimi – tınçlıqtır. O, meni «tınçlıq Prezidenti» olaraq adlandırdı – işte Avropada şimdi itibarım böyledir», – dep bildirdi körüşüvden soñ Volodımır Zelenskıy.

Ukraina Prezidentiniñ aytqanına köre, Papa Frantsizk ile körüşüv Normand formatında Parijdeki samitten eki ay keçken soñ ve Berlinde planlaştırılğan körüşüvden evel olıp keçkeni müimdir.

«Papa Frantsiska Donbasta, Qırımda ve Rusiyede tutulğan ukrainalılarnı azat etüvde yardım istep, muracaat ettim», – dep ayttı o “Volodımır Zelenskıy Donbasta, Qırımda ve Rusiyede tutulğan ukrainalılarnı azat etüvde yardım istep, Papa Frantsıska muracaat etti”


Ürmetli vatandaşlar!

Ukrainanıñ vaqtınca işğal etilgen topraqlarında, yani Qırım Muhtar Cumhuriyetinde ve Aqyar şeerinde yaşağan, ya da qıtağa köçken vatandaşlar Temsilcilikke öz tekliflerinen (mulâazalarınen), arizalarınen (ricalarınen) ve şikâyetlerinen yazılı şekilde ya da ağızdan muracaat ete bileler.

«Vatandaşlarnıñ muracaatları aqqında» Ukraina qanunınıñ 5-ci maddesine binaen, muracaatta vatandaşnıñ soyadı, adı ile babasınıñ adı, yaşağan yeri yazılmalı, em de koterilgen meseleniñ, izaatnıñ, teklifniñ, ariza ya da şikâyetniñ, rica ya da talapnıñ mündericesi aks etilmelidir. Vatandaş muracaatınıñ üstünde tarihnı belgilep, muracaatını imzalamalıdır. Bu talaplarğa riayet etmegen muracaatlar baqılmay.

Elektron muracaatlar ve elektron petitsiyalar boyunca «Vatandaşlarnıñ muracaatları aqqında» Ukraina qanunına 2015 senesi oraq (iyül) ayı 2 künü kirsetilgen deñişmeler aqqındaki № 577-VIII Ukraina qanunı esasında, 2015 senesi ekim (oktâbr) ayı 28 kününden başlap, yazılı muracaatlar İnternet ve elektronik alâqa vastaları yardımınen (elektron muracaat olaraq) yollanıla bile. Muracaatta vatandaşnıñ soyadı, adı ile babasınıñ adı, yaşağan yeri yazılmalı, em de koterilgen meseleniñ, izaatnıñ, teklifniñ, ariza ya da şikâyetniñ, rica ya da talapnıñ mündericesi aks etilmeli. Vatandaş yazılı muracaatınıñ üstünde tarihnı belgilep, muracaatını imzalamalı. Bundan ğayrı, elektron muracaatqa cevap yollanılacaq elektron menzil, ya da muracaat etken şahıs ile basqa bağlanma vastaları yazılmalı. Elektron muracaat yollanğanda, elektron imzanıñ keregi yoq.

Diqqatıñıznı şuña da celp etmege isteymiz ki, Ukraina Prezidenti 2017 senesi qural ay (mayıs) 15 künü imzalağan № 133/2017 Ferman ve Ukraina milliy havfsızlıq ve mudafaa Şurası 2017 senesi çiçek (aprel) ayında qabul etken ‘‘Mahsus şahsiy iqtisadiy ve başqa sıñırlama tedbirlerni (sanktsiyalarnı) qullanuv’’ mevzusında qarar ömürge keçirilip, Ukrainada Yandex.ru, Yandex.ua ve Mail.ru kibi İnternet vastalarına irişim sıñırlandı. Elektron poçta vastasınen yollanğan muracaatlarıñıznıñ Temsilcilikke kele bilmesi içün, lütfen, Rusiye şirketleriniñ poçta hızmetlerini qullanmañız.

Ukraina vatandaşlarınıñ muracaatları içün Ukraina Prezidentiniñ Qırım Muhtar Cumhuriyetindeki Temsilciliginiñ poçta adresi:

  Uşakov caddesi, 42, Herson şeeri, 73003

Muracaatlar içün Temsilcilikniñ elektron menzili:

  zvernennia@ppu.gov.ua

Devlet akimiyeti organlarınıñ ve matbuat vastalarınıñ muracaatları içün Ukraina Prezidentiniñ Qırım Muhtar Cumhuriyetindeki Temsilciliginiñ elektron menzili:

ark@ppu.gov.ua

Qoşma malümat içün telefonlar:

 +380 (552) 49–59–39 – yuridik şahıslardan (devlet akimiyeti organlarından, yerli öz-özüni idare etüv organlarından, şirketlerden, müessiselerden, teşkilâtlardan) kelgen mektüplerni qayd etüv aqqında malümat; vatandaşlarnıñ muracaatlarını qayd etüv, vatandaşlarnı qabul etüv aqqında malümat; Temsilcilik reberiyetiniñ şahsiy qabulına evelden yazıluv içün telefon vastası.

 0 800 502 192 – bedava «sıcaq» ağ.

Yuqarıda qayd etilgen telefonlar vastasınen malümat bazarertesi kününden cuma kününece belgilengen iş saatleri devamında berile.

 

Ukraina Prezidentiniñ Qırım Muhtar Cumhuriyetindeki Temsilciliginiñ iş cedveli

    Bazarertesi – cuma saat 09.00 – 13.00 ve 14.00 – 18.00

Cumaertesi, bazar – raatlıq künleri.

 


Darya Svırıdova Hersonda vatandaşlarnı şahsen qabul etecek

2020 senesi kiçik ay (fevral) ayı 10 künü, yani bazarertesi künü saat 10:00-dan 12:00-ge qadar Ukraina Prezidentiniñ Qırım MC Daimiy Temsilcisiniñ Birinci muavini Darya Svırıdova Herson şeerinde Uşakov caddesi, 42 adresi boyunca yerleşken Temsilcilikniñ binasında Ukrainanıñ vaqtınca işğal etilgen Qırım toprağında yaşamağa devam etken, ya da yarımadadan köçken vatandaşlarnı şahsen qabul etecek.

Vatandaşlar «Vatandaşlarnıñ muracaatları aqqında» Ukraina Qanunınıñ 22 maddesine binaen qabul etilecekler.

Qabulğa yazılıp, qoşma malümatnı (0552)49-59-39 nomeralı telefon vastasınen almaq mümkün, bedava «sıcaq ağ» – 0 800 502 192.


Prezident maküm etilgen ukrainalar ne vaqıt azat etilecegi aqqında eñ yaqın kelecekte belli olacağına ümüt ete

Ukraina Prezidenti Volodımır Zelenskıy al-azırda vaqtınca işğal etilgen topraqlarda ve Rusiye Federatsiyasında qanunsız alda tutulğan Ukraina vatandaşlarını qaytaruv boyunca iş alıp barılğanını qayd etti ve makumlarnıñ birinci qısımı ne vaqıt azat etilecegi aqqında eñ yaqın kelecekte belli olacağına ümütini bildirdi.

”Ukraina vatandaşlarını evlerine qaytaruv – bizim ilk nevbetteki büyük vazifelerimizden biridir”, – Ukraina ile Türkiye arasındaki yüksek seviyede Strategik şurasınıñ 8-nci toplaşuvınıñ neticeleri boyunca matbuat vastalarınen subetleşken arada dep bildirdi Prezident “Prezident maküm etilgen ukrainalar ne vaqıt azat etilecegi aqqında eñ yaqın kelecekte belli olacağına ümüt ete”


“Qırım işğali: tınç eali arqasında işaretsiz, adsız saqlanğanlar” tedqiqatını taqdim etüv

2020 senesi qara qış (yanvar) ayı 29 künü ”Ukrinform” haber agentliginde “Qırım işğali: tınç eali arqasında işaretsiz, adsız saqlanğanlar” mevzusında tedqiqat taqdim etildi.

Tedqiqat bıltır taqdim etilip, Halqara cinaiy mahkemege (HCM) berilgen malümatlarğa esaslana, işbu vesiqalarda Qırımda 2014 senesi kiçik ay (fevral) – saban (mart) ayı devamında olıp keçken vaqialar, şu cümleden, Ukraina silâlı quvetlerine ait olğan arbiy obyektlerni RF SQ tarafından zapt etüv esnasında tınç ealiniñ ”canlı qalqan” olaraq işletilüvi tasvir etile.

”«Canlı qalqanlar» arbiy cinayet meselesi al-azırda pek müimdir, çünki HCM faaliyetinde böyle mesele daa rast kelmegen edi. Şu sebepten, Prokuror Ofisi tarafıdan doğru qararnıñ alınması içün işançlı deliller ketirilmeli edi. Böyle vaqialar bundan evel de yüz berse de, halqara silâlı davanıñ iştirakçileri olğan devletler tarafından degil de, silâlı teşkilâtlar tarafından işletile edi. Silâlı dava esnasında devletler seviyesinde böyle areketler yapılmay edi”, – dep qayd etti tedqiqatnıñ müellifi Anton Korınevıç ““Qırım işğali: tınç eali arqasında işaretsiz, adsız saqlanğanlar” tedqiqatını taqdim etüv”


Helsinki komitetinde (AQŞ, Vaşıngton) ”İşğal altındaki yaşayış: Qırımda insan aqları saasında vaziyet” mevzusında diñlevler

2020 senesi qara qış (yanvar) ayı 28 künü Helsinki komitetinde (AQŞ, Vaşıngton) ”İşğal altındaki yaşayış: Qırımda insan aqları saasında vaziyet” mevzusında diñlevler olıp keçti. Öz çıqışı devamında Ukraina Prezidentiniñ Qırım MC-deki Daimiy Temsilcisiniñ muavini Tamila Taşeva Rusiye işğaline qarşılıq köstergen qırımtatarlar ve ukrainler işğalci akimiyet tarafından taqip etilgenini, azatlıqtan marum etilgenini, öldürilgenini ve qıynalğanını, Rusiye Federatsiyası öz vatandaşlığını vaqtınca işğal etilgen Qırımnıñ sakinlerine zorbalıqnen qabul ettirgenini, işğalci devlet oña qol tutmağan yerli ealini öz vatandaşlarına deñiştirgenini, qanunsız alda qırımlılarnı öz ordusında hızmet ettirgenini, balalarnı ve gençlerni arbiyleştirgenini qayd etti “Helsinki komitetinde (AQŞ, Vaşıngton) ”İşğal altındaki yaşayış: Qırımda insan aqları saasında vaziyet” mevzusında diñlevler”


“Qırım işğali: tınç eali arqasında işaretsiz, adsız saqlanğanlar” tedqiqatını taqdim etüv

2020 senesi qara qış (yanvar) ayı 29 künü saat 11:00 ”Ukrinform” haber agentliginiñ binasında (Kıyiv şeeri, B. Hmelnıtskıy soqağı, 8/16) İnsan aqları boyunca Ukraina-Helsinki birligi ve Ukraina Prezidentiniñ Qırım MC Temsilciligi Qırım yarımadasınıñ 2014 senesi kiçik (fevral) – saban (mart) ayları devamında faal şekilde işğal etilüvi devirinde Rusiye Federatsiyası Arbiy Quvetleriniñ vekilleri tarafından halqara gumanitar uquqnıñ şartlarını bozuv boyunca tedqiqatını taqdim eteler ““Qırım işğali: tınç eali arqasında işaretsiz, adsız saqlanğanlar” tedqiqatını taqdim etüv”


Tamila Taşeva Hersonda vaqtınca işğal etilgen Qırımdan kelgen vatandaşlarnı qabul etecek

2020 senesi qara qış (yanvar) ayı 20 künü, yani bazarertesi kününiñ birinci yarısında Ukraina Prezidentiniñ Qırım MC Daimiy Temsilcisiniñ muavini Tamila Taşeva Herson şeerinde Uşakov caddesi, 42 adresi boyunca yerleşken Temsilcilikniñ binasında Ukrainanıñ vaqtınca işğal etilgen Qırım toprağında yaşamağa devam etken, ya da yarımadadan köçken vatandaşlarnı qabul etecek.

Vatandaşlar ”Vatandaşlarnıñ muracaatları aqqında” Ukraina Qanunınıñ 22 maddesine binaen qabul etilecekler.

Qabulğa yazılıp, qoşma malümatnı (0552)49-59-39 telefonı boyunca almaq mümkün, bedava ”sıcaq ağ” – 0 800 502 192.