”Desâte kvitnâ” cemaat teşkilâtınıñ aq qorçalaycılarınen körüşüv

2019 senesi berim (sentâbr) ayı 11 künü Ukraina Prezidentiniñ Qırım MC-deki Daimiy Temsilcisi Anton Korineviç ”Desâte kvitnâ” cemaat teşkilâtınıñ azaları ve aq qorçalaycıları Olğa Tkaçenko, Elvira Zeytulayeva, Anna Naydönova ile iş körüşüvi esnasında qıtaiy Ukrainada qırımlılarğa muntazam şekilde rast kelgen ve qanun seviyesnde çezilmesini talap etken bir sıra memuriy-usuliy meselelerni, bu cümleden yaşav yerini qayd etüv ve şahısnı bilgilev kibi meselelerni muzakere etti “”Desâte kvitnâ” cemaat teşkilâtınıñ aq qorçalaycılarınen körüşüv”


Bazar künü, 2019 senesi berim (sentâbr) ayı 8 künü, vaqtınca işğal etilgen Qırımda işğalci akimiyet sözde ”Qırım Cumhuriyeti Devlet şurasına” ve ”yerli şuralarğa” deputat saylavlarını keçirmege niyetlene

Qırım Muhtar Cumhuriyeti Ukraina topraqlarınıñ ayırılmaz parçası olğanını hatırlatamız.

Bunın içün, Qırım MC topraqlarında qanuniy şekilde tek Ukraina akimiyet organlarına saylavlar keçirile bile.

Rusiye Federatsiyası işğalci devlet olaraq Qırım MC topraqlarında naslıdır ”saylav ceryanlarını” keçirmek aqqına malik degil, Qırım topraqlarında bütün RF ”akimiyet organları” ise qanunsız ve aqsızdır. Qırım MC topraqlarında RF ”akimiyet organlarına” keçirilgen bir-de-bir saylavlar, halqara uquqnıñ ciddiy bozuluvıdır.

Halqara cemiyetni işbu ”saylavlarnıñ” neticelerini tanımamağa ve işğalci devletniñ ”akimiyet organlarınen” ve memurlarınen resmiy munasebetlerde bulunmamağa çağıramız.

Vaqtınca işğal etilgen Qırımda yaşağan vatandaşlarımıznı Ukrainanıñ vaqtınca işğal etilgen Qırım MC ve Aqyar şeerinde qanunsız şekilde keçirilgen saylavlarda iştirak etmemege çağıramız.


Prezident: Bütün Ukraina ile beraberlikte tek adamlarımıznı degil, topraqlarımıznı da qaytarırmız

Azat etilgen Ukraina vatandaşlarını qarşılağan soñ, «Ukraina Donbasta, şu cümleden Zolote mesken yerinde ordularnı ayıruv ceryanını devam etmege planlaştıra», – dep bildirdi Prezident Volodımır Zelenskiy.

”Bundan soñ biz bütün bizim insanlarımıznıñ azat etilmesine yaqınlaşacaqmız ve Minsk ceryanı çerçivesinde Zolote-Petrivske yönelişinden başlap, bütün topraqlarda tolu şekilde ordularnı ayıracaqmız, ateşni ve cenkni toqtatacaqmız”, – ”Borıspil” halqara ava limanında bulunğan arada dep bildirdi Devlet başlığı “Prezident: Bütün Ukraina ile beraberlikte tek adamlarımıznı degil, topraqlarımıznı da qaytarırmız”


Arman ayı 29 künü Ukraina mustaqilligi, egmenligi ve topraq bütünligi içün elâk olğan ukrain qorçalayıcılarnıñ hatırası añıla

Tamam şu künü 29 arman (avgust) ayı 2014 senesi ”yeşil” koridor vastasınen Donetskteki ”İlovayask qazanından” çıqqan arada 129 kişi elâk oldı, 18 yaralandı ve 22 adam (2019 senesi arman ayı 22 künü itibarınen 10 kişi) habersiz ğayıp oldı, (29 arman ayı 2014 senesi itibarınen) 10 kişi esirge alındı.

Ukraina Silâlı quvetleri Baş komandanlığınıñ (2019 senesi arman ayı 22 künü itibarınen) soñki malümatlarına köre, İlovaysk içün uruşta 220 kişi elâk oldı, 44 yaralandı, 40 habersiz ğayıp oldı ve 13 reine olaraq esirlikte tutulmaqta. 2014 senesi İlovaysk civarındaki antiterroristik ameliyatta elâk olğan arbiylerniñ sayısı 420 kişini teşkil ete bile.

Bu raqamlar arqasında yüzlernen elâk olğan, yaralanğan, habersiz ğayıp olğan vatandaşnıñ qorantaları, öz evlerini terk etmege mecbur olğan biñlernen qoranta, bu cenkten zarar körgen millionlarnen insannıñ taqdirleri ve, niayet, Ukrainanıñ taqdiri turmaqta!

Bunı hatırlayıq!

Ukraina, saña tınçlıq, barışıqlıq ve mustaqillik tileymiz!


Ukraina Devlet Bayrağı Künü hayırlı olsun!

Ukraina devlet bayrağı memleketimizniñ egemenligini, keçmişi ile bügünini, halqımıznıñ cesürligini, onıñ öz toprağında azatlıqqa ve tınçlıqqa ıntıluvlarını temsil etmekte.

Bügünde-bügün mavılı-sarılı bayraqnı vaqtınca işğal etilgen topraqlarda tirenüv timsali olaraq tikleyler, bütün dünyada ise o, ukrainalilarnıñ milliy mensübiyetini, Ukraina devletiniñ topraq bütünligine ve mustaqilligine qol tutqan halqara cemiyetniñ birdemligini kösterip yelpirey.

Umumiy ğayretlerinen Ukrainanıñ bütünligini ve egemenligini ğayrıdan tiklermiz!

Bayram cümlemizge hayırlı olsun!


Ukraina Halqara cinaiy mahkemeniñ Roma nizamnamesini ne içün qabul etmeli

Halqara cinaiy mahkemeniñ (HCM) Roma nizamnamesini qabul etüv meselesi Ukrainanıñ halqara añlaşmalarğa qoşulmasınıñ çoqtan berli esas meselelerinden biri olmaqta.

Devletimizniñ bir de bir başqa halqara añlaşmağa qoşulması böyle munaqaşalarğa sebep olmadı ve çeşit türlü devlet müessisesileriniñ, cemaat teşkilâtlarınıñ, ekspert muitiniñ diqqatını bu derecede celp etmegen edi.

2000 senesi Roma nizamnamesini imzalağan Ukraina onı ale daa amelge keçirmedi. Sebebi nedir, Roma nizamnamesini qabul etüvör içün böyle keçikti ve ale daa munaqaşalar doğura? Ve, asılında, ne içün ahır soñu işbu Roma nizamnamesini qabul etmelimiz? “Ukraina Halqara cinaiy mahkemeniñ Roma nizamnamesini ne içün qabul etmeli”


Yañı ükümet vaqtınca işğal etilgen Qırımdaki balalarnıñ aq-uquqlarını temin etüv meselesinen acele sürette oğraşmalı – Mıkola Kuleba

Ukraina Prezidentiniñ bala aqları boyunca vekâletlisi Mıkola Kuleba Ukraina Prezidentiniñ Qırım MC Daimiy Temsilcisi Anton Korınevıç, Qırım MC prokuror muavini Anatoliy Kotsura ve Qırım prokuraturasınıñ prokurorları ile iş körüşüvlerini keçirdi “Yañı ükümet vaqtınca işğal etilgen Qırımdaki balalarnıñ aq-uquqlarını temin etüv meselesinen acele sürette oğraşmalı – Mıkola Kuleba”


Aqrusiye ve Lehistandan kelgen cemaat faalcileri ile körüşüv

2019 senesi arman (avgust) ayı 19 künü Ukraina Prezidentiniñ Qırım MC Daimiy Temsilcisi Anton Korınevıç Qırım MC prokuror muavini İgor Ponoçovnıy ve insan aqlari boyunca Ukraina-Helsinki birliginiñ adliyecisi Darya Svırıdova ile beraberlikte BISN (Bring International Standards Home) tasil leyhasında iştirak etken aqrusiyeli ve lehistanlı aq qorçalaycıları, cemaat faalcileri ve jurnalistler ile Kıyiv şeerinde iş körüşüvini keçirdiler “Aqrusiye ve Lehistandan kelgen cemaat faalcileri ile körüşüv”


Ukraina Prezidentiniñ Qırım MC-deki Daimiy Temsilcisi Anton Korınevıç ”Kreml mabusları” serlevalı bir künlük tedbirde iştirak etti

”Bügünki vaqtınca işğal etilgen Qırım renksiz, adaletsiz topraq parçasıdır. Bir de bir Ukraina vatandaşı özüni Qırımda havfsızlıqta is etemey, onı er türlü cinayette qabaatlap, bu sebepten qanunsız şekilde azatlıqtan marum ete bileler. Belli bir siyasiy, diniy baqışlar, etnik ya da milliy mensübiyet boyunca azatlıqtan marum etüv, yazıqlar olsun ki, işğal etilgen Qırımda adetiy adiselerdir”, – tedbirniñ açıluvı munasebetinen keçirilgen matbuat konferentsiyasında dep qayd etti Ukraina Prezidentiniñ Qırım MC-deki Daimiy Temsilcisi Anton Korınevıç “Ukraina Prezidentiniñ Qırım MC-deki Daimiy Temsilcisi Anton Korınevıç ”Kreml mabusları” serlevalı bir künlük tedbirde iştirak etti”