Bugün biz, Ukraina milliy hatıra institutı ve ortaqlarımız ile beraberlikte müim leyhanı – Rusiye istilâsı virtual muzeyini taqdim ettik

Onınen https://rusaggression.gov.ua/ua/home.html bağlantısı boyunca tanış oluñız.

Taqdim etüvde Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç şunı qayd etken edi:

“Bugün biz, Ukraina milliy hatıra institutı ve ortaqlarımız ile beraberlikte müim leyhanı – Rusiye istilâsı virtual muzeyini taqdim ettik”


Bugün Yuqarı Şurada Rusiye Federatsiyasınıñ Ukrainağa qarşı silâlı istilâsı sebebinden azatlıqtan marum etilgen Ukraina vatandaşlarına dair qanun leyhaları boyunca brifing keçirildi

Esirler ve olarnıñ qorantaları, tedaviylevge paralarınıñ yetmemezlikten başlap, abulqatlarnıñ faaliyeti içün tölemege imkânları olmağanına qadar büyük içtimaiy-turmuş problemalarğa oğray.

Bundan ğayrı, em esirler, em de olarnıñ qorantaları tibbiy yardımğa ve psihologik reabilitatsiyağa muhtaclar.

Yuqarı Şurağa Ukraina Prezidenti Volodımır Zelenskıy tarafından taqdim etilgen qanun leyhaları, çoqtan berli beklenilgen bir adım olıp, işbu şahıslarnıñ içtimaiy ve uquqiy qorçalanmasını maqsat etip qoyğandır.

Brifing iştirakçileri tafsilâtlı şekilde böyle qanun leyhalarınıñ müimligini izaatladılar.

Hususan Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç şunı qayd etken edi:

«Bu müimden-müim qanun leyhaları ”Qırım platforması paketine” kirmekteler. Olarnıñ metini üzerinde Ukraina Prezidentiniñ Qırım Muhtar Cumhuriyetindeki Temsilciligi, Ukraina Prezidenti Ofisi, Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazirlik, yetekçi aq qorçalayıcı teşkilâtlar ve, eñ müimi, esirlerniñ aqrabaları tarafından meydanğa ketirilgen teşkilâtlar çalıştı.

Bu qanun leyhası devlet organları ve cemiyet ğayretleriniñ birleştirilüvine güzel bir misaldir. Ukraina Prezidenti Volodımır Zelenskıy bu qanun leyhasını Ukraina Yuqarı Şurasına taqdim etip, acele olğanını qayd etti. Ukraina halq deputatlarını bu çoqtan berli beklenilgen ve Ukrainağa qarşı silâlı istilâ sebebinden şahsiy serbestliklerinden marum etilgen şahıslarnıñ ve olarnıñ qoranta azalarınıñ içtimaiy ve uquqiy qorçalanması meselesini çezgen qanun leyhasına qol tutmağa çağıramız».

Qanun leyhasına qol tutqan aq qorçalayıcılarnıñ umumiy beyanatınen tanış oluñız: https://cutt.ly/NRhP2ZT

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime


Aq qorçalayıcılar ve deputatlar yarın saat 9:30-da Ukraina Yuqarı Şurasında keçirilecek brifingde toplanacaqlar

Olar Rusiye Federatsiyasınıñ Ukrainağa qarşı silâlı istilâsı sebebinden azatlıqtan marum etilgen Ukraina vatandaşlarına dair qanun leyhaları aqqında laf etecekler.

Esirler ve olarnıñ qorantaları, tedaviylevge paralarınıñ yetmemezlikten başlap, abulqatlarnıñ faaliyeti içün tölemege imkânları olmağanına qadar büyük içtimaiy-turmuş problemalarğa oğray. Bundan ğayrı, em esirler, em de olarnıñ qorantaları tibbiy yardımğa ve psihologik reabilitatsiyağa muhtaclar.

Yuqarı Şurağa Ukraina Prezidenti Volodımır Zelenskıy tarafından taqdim etilgen qanun leyhaları, çoqtan berli beklenilgen bir adım olıp, işbu şahıslarnıñ içtimaiy ve uquqiy qorçalanmasını maqsat etip qoyğandır. Yarın bu qanun leyhalarını aşağıdaki brifing iştirakçileri tarif etecek:

 

Brifing parlamentteki ”Qırım platforması” fraktsiyalar arası birligi ve Kremlniñ siyasiy mabuslarınıñ aqrabaları birligi, Qırım aq qorçalayıcı gruppa, ZMİNA İnsan aqları merkezi, İnsan aqları oğrundaki media teşebbüsi, İnsan aqları boyunca Ukraina-Helsinki birligi, Center for Civil Liberties / Grajdanlıq serbestlikleri merkezi, Qırım_SOS_Kıyiv cemaat birleşmesi, Siyasiy mabuslarnı azat etüv platforması kibi teşkilâtlarnı birleştirgen Kremlniñ siyasiy mabuslarını qorçalav oğrundaki Koalitsiya tarafından teşkil etildi.

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crime


Yarın saat 11:30-da Mıstetskiy Arsenalda biz Rusiye istilâsı virtual muzeyini taqdim etecekmiz!

Bu, çeşit türlü menbalardan Rusiye Federatsiyası tarafından Qırım yarımadası, qısmen Donetsk ve Lugansk vilâyetlerindeki Ukraina topraqlarını işğal etilüvi devamında yüz bergen adiseler, bozuluvlar ve insanlar aqqında teşkerilgen malümat toplağan birinci internet portalıdır.

Menba ukrain ve ingliz tillerindedir. Al-azırda menbada şaatlarnıñ delilleri, arhiv ve sözlü tarihiy malümatlar, matbuat vastalarınıñ haberleri, halqara teşkilâtlarnıñ qararnameleri ve beyannameleri mevcuttır.

“Yarın saat 11:30-da Mıstetskiy Arsenalda biz Rusiye istilâsı virtual muzeyini taqdim etecekmiz!”



Qırımda insan aqları saasında vaziyet ve Avropa Birligi insan aqlarını qorçalav mevzusında nasıl yardım ete bile

Ukraina Prezidentiniñ Qırım Muhtar Cumhuriyetindeki Temsilciligi / Qırım platforması ofisinde büyük ve mündericeli körüşüv olıp keçti. AB insan aqları boyunca mahsus vekili Eymon Gilmor ve AB eyetleriniñ vekilleri bizge musafirlikke keldiler.

“Qırımda insan aqları saasında vaziyet ve Avropa Birligi insan aqlarını qorçalav mevzusında nasıl yardım ete bile”


Ukraina qorçalayıcıları künü ile can-göñülden hayırlaymız!

Ukrainanıñ topraq bütünligini ve egemenligini qorçalağan, 2014 senesiniñ baarinde Qırım içün küreşken, antına sadıq qalğan er keske sıñırsız minnetdarlığımıznı bildiremiz! Bugün biz, Ukrainanı Rusiye istilâsından qorçalağan ve qorçalamağa devam etken er kesni añamız!

Elâk olğan qırımlı askerlerni, canlarını feda etip, Ukrainanı qorçalağan insanlarnı añmaq içün başlarımıznı egemiz! Birer-birer olarnıñ adlarını hatırlaymız: https://cutt.ly/nRyjSde

Temsilcilik Mustaqilligimizni qorçalağan qırımlı askerlerni selâmlay. Ekim ayınıñ 14-ü ukrain arbiy ananeleriniñ ğayrıdan tiklenmesi ceetinden müim bir kündir.

Qırım üzerinde ukrain bayrağı eñ yaqın vaqıtta yelpireycegine inanamız.

Qırımtatar arbiy areketler iştirakçileri teşkil etken «Qırım Ğazi» cemaat birligi, Qırım veteranları şurası, Qırımdan köçme ukrainalıları Krayova şurası – KRUK


Qırım platforması Ofisinde, Ukraina Prezidentiniñ Qırım Muhtar Cumhuriyetindeki Temsilciliginde qısqa, amma pek semereli bir afta

Bugün eki müim körüşüv olıp keçti. Birincisine Kanada temsilcileri – Ukrainadaki Kanada elçihanesindeki tışqı siyaset ve diplomatiya bölüginiñ müdiri Riçard Kolvin ve Şarqıy Avropa (Global Affairs Canada) bölüginiñ icra müdiresi Allison Stüart büyürdılar.

“Qırım platforması Ofisinde, Ukraina Prezidentiniñ Qırım Muhtar Cumhuriyetindeki Temsilciliginde qısqa, amma pek semereli bir afta”