Ekinci Cian cenkinde natsizm üzerinde Ğalebe künü munasebeti ile Ukraina Prezidentiniñ beyanatı

Aziz ukrainalılar!

Bügün Ukraina Mayıs 9 Kününi, yani natsizm üzerinde Ğalebe kününi qayd ete.

Bu ğalebeniñ fiyatı deşetli olğanını biz iç bir vaqıt unutmamız. Çeşit türlü tahminlerge köre, eñ azından 50 million qurban, olardan 8 millionğa yaqın ise – elâk olğan ve öldürilgen ukrainalılardır.

O devirniñ deşetlerini hatırlap, cenkke tapınmaymız. Ve bu müim kün reklama tedbiri, şiarlar yarışı, ya da kemikler üzerinde tantanalı oyunlar degildir. Ğalebe kününi yaqınlaştırğan er bir qaramannıñ añılması içün bar sesnen qıçıruv degil de, samimiyet müimdir. Ğalebe er birimizniñ yüregindedir

.

“Ekinci Cian cenkinde natsizm üzerinde Ğalebe künü munasebeti ile Ukraina Prezidentiniñ beyanatı”




“2020 senesi saban (mart) ayında işğal etilgen Qırım ile memuriy sıñırdan keçüv” boyunca nezaret esabatı

Keçken seneniñ soñunda Herson vilâyetiniñ vaqtınca işğal etilgen Qırım MC ve Aqyar şeeri ile memuriy sıñırda yañılanğan kiriş-çıqış nezaret noqtaları çalışıp başladı. Tamir etüvniñ esas maqsadı, memuriy sıñırdan keçken vatandaşlar içün maksimal derecede oñaytlı şaraitler ve memuriy hızmetlerni almaq imkâniyetini yaratmaqtır.

2020 senesi saban (mart) ayında Ukraina Prezidentiniñ Qırım MC-deki Temsilciligi, ğayrıdan integratsiya etüv Nazirligi, Insan aqları boyunca Ukraina-Helsinki birligi ve ”KrımSOS” CB KÇNN-larda qurulğan memuriy hızmet merkezleriniñ ve hızmet zonalarınıñ faaliyetlerini nezaret etmek maqsadınen, vaqtınca işğal etilgen Qırım MC ile memuriy sıñırnı ziyaret ettiler.

Nezaret etüv ziyaretleriniñ neticeleri ‘‘2020 senesi saban (mart) ayında işğal etilgen Qırım ile memuriy sıñırdan keçüv” serlevalı nezaret esabatında beyan etilgendir.


Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıçnıñ onlayn-lektsiyası olıp keçti

https://youtu.be/4Ly5sxEEoPAUkrainanıñ cenk vaziyetten turğun barışıqqa keçmesi maqsadınen keçici devirde adliye meselelerine bağışlanğan üçünci vebinarda halqara gumanitar uquqnı (ileride – HGU) qullanuv meselesi, silâlı dava qavramı ve böyle davalarnıñ çeşitleri muzakere etildi.

Anton Korınevıç halqara silâlı dava ile halqara olmağan silâlı dava arasındaki farqnı añlattı, (”gibrid”, ”haber”, ”iqtisadiy” cenkler kibi) zemaneviy dava çeşitlerini HGU ceetinden tarif etti, Qırımda ve Donbasta olıp keçken vaqialarğa HGU noqta-i nazarından qıymet kesti “Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıçnıñ onlayn-lektsiyası olıp keçti”


İşğalci devletniñ sözde «uquq qorçalav organları» tarafından siyasiy sebeplerden Mustafa Cemilevge qarşı «cinaiy işniñ» açılması qırımtatar halqınıñ liderini qanunsız alda taqip etüv manasına kele

2020 senesi çiçek (aprel) ayı 8 künü sözde Qırım «taqiqat komiteti» haber etkenine köre, qırımtatar halqınıñ lideri Mustafa Cemilevge qarşı ta 2014 senesiniñ yazında açılğan «cinaiy iş» boyunca çiçek ayı 10 künü qabaatlav ilân etilecek.

Mustafa Cemilevni sözde «Rusiye Federatsiyasınıñ sıñırından» qanunsız alda keçkeninde, «qanunsız alda, diqqatsızlıqnen silâ saqlağanında» qabaatlaylar.

Sözde Aqmescit «mahkemesi» ta 2016 senesi «taqiqattan ve mahkemeden saqlanğanı, şaatlarğa tesir ete ya da delillerni yoq ete bilgeni, başqa devletniñ vatandaşı olğanı, Qırımda daimiy yaşağan yeri olmağanı» sebebinden  Mustafa Cemilev içün tevqif etilüv şekilinde ihtiyat tedbirini saylap aldı.

Halqara gumanitar uquqnı bozğan işğalciler işğal etilgen Qırımda öz cinaiy qanuniyetini işletmege, propaganda olaraq Ukraina memurlarını siyasiy sebeplerden ğıyabiy şekilde taqip etmege devam eteler.

Qırım Muhtar Cumhuriyeti ve Aqyar şeeri Ukraina topraqlarınıñ ayırılmaz parçaları olğanını qayd etemiz. Sözde «uquq qorçalav organları» tarafından Mustafa Cemilevge qarşı siyasiy sebeplerden «cinaiy işniñ» açılması Rusiye istilâsına qarşılıq köstergen ve Ukrainanıñ topraq bütünligi içün küreşken qırımtatar halqınıñ liderini qanunsız şekilde taqip etüvden başqa iç bir şey degildir. Bundan ğayrı, böyle areketler işğalciler muntazam şekilde Qırımtatar Milliy Meclisniñ itibarını tüşürmege tırışqanını ve onıñ faaliyetine keder etkenini isbatlay.

Eminmiz ki, bu adisege tek milliy cinaiy işler seviyesinde degil de, halqara seviyedeki mahkemeler tarafından da lâyıq qıymet kesilir. “İşğalci devletniñ sözde «uquq qorçalav organları» tarafından siyasiy sebeplerden Mustafa Cemilevge qarşı «cinaiy işniñ» açılması qırımtatar halqınıñ liderini qanunsız alda taqip etüv manasına kele”


Aziz Qırım sakinleri!

Bu künlerde bütün dünya ögünde büyük çağıruvlar turmaqta. Dünyada darqalayatqan virus öz qurbanlarını vatandaşlıqları, terileriniñ renkleri, cınısları ya da yaşları boyunca ayırmay. Pandemiyanıñ neticelerini endi özümiz de is etemiz. Amma Ukraina içün bu pek büyük çağıruv ve imtian, çünki bunıñ episi cenk, topraqlarımıznıñ qısmen işğal etilüvi ve neticede ukrain sağlıq saqlav tertibatınıñ işğal etilgen topraqlarda yaşağan vatandaşlarğa yardım etmek imkânsızlığı şaraitlerinde yüz bermektedir.

Qırım Muhtar Cumhuriyetini ve Aqyar şeerini işğal etken Rusiye Federatsiyası yarımadanı öz qanuniyetine ve sağlıq saqlav tertibatına boysundırdı. Bu al Qırımda tıp hızmetleriniñ keyfiyetine ve işbu hızmetlerge irişimge ekseriy allarda menfiy tesir etti. İşğalci akimiyet muntazam şekilde yarımadada insaniy vaziyet aqqında malümatnı gizley, Qırımğa mustaqil gumanitar ve aq-qorçalav missiyalarnıñ kelmelerine imkân bermey ve neticede halqara cemiyetni işğal etilgen Qırımdaki kerçek vaziyet ve COVİD-19 virusınıñ darqalmamasına qarşılıq kösterüv olaraq yapılğan tedbirler aqqında haberdar etmez. Onıñ içün Qırım sakinleri öz sağlıqları ve ömürleri içün mesüliyetini boyunlarına alıp, özlerini ve yaqınlarını qorçamalılar.

(devamını oqumaq içün, başlıqqa basıñız) “Aziz Qırım sakinleri!”


2020 senesi saban (mart) ayı 17 künü «Maqsadı Ukraina topraqlarında (COVİD-19) koronavirus hastalığınıñ peyda olıp darqaluvına qarşılıq kösterüv olğan Ukraina qanuniy senetlerine deñişmeler kirsetüv aqqında» 530-IX sanlı Ukraina Qanunı aynı şu künü quvetini aldı

Qanun ile belgilengen meseleler:

Uquqiy mesüliyet

  • ”Ealini infektsion hastalıqlarından qorçalav aqqında” Ukraina qanunı, başqa qanuniy senetler ve infektsion hastalıqları ile küreş meselelerine dair öz-özüni idare etüv organlarınıñ qararları ile belgilengen sanitar-gigiyenik, sanitar-epidemik, insan karantini boyunca qaidelerni ve şartlarnı bozğan şahıslar memuriy mesüliyetke çekilecektir.

Ceza: Memuriy uquq bozuluvları aqqında Ukraina Kodeksiniñ 443 maddesine binaen vatandaşlar 1000-2000 qat minimal aylıq (17000 – 34000 grivnâ) miqdarında, memurlar 2000-10000 qat minimal aylıq (34000 – 170000 grivnâ) miqdarında para cezasına çekilecekler.

(devamını oqumaq içün, başlıqqa basıñız) “2020 senesi saban (mart) ayı 17 künü «Maqsadı Ukraina topraqlarında (COVİD-19) koronavirus hastalığınıñ peyda olıp darqaluvına qarşılıq kösterüv olğan Ukraina qanuniy senetlerine deñişmeler kirsetüv aqqında» 530-IX sanlı Ukraina Qanunı aynı şu künü quvetini aldı”


Qırımlılar içün karantin aqqında müim malümatlar. Eñ sıq rast kelgen suallerge cevaplar

 

  1. Karantin ne sebepten başlana?

Ukraina Nazirler Şurası 2020 senesi saban ayı 11 künü qabul etken 211 sanlı qararğa binaen, karantin Ukraina topraqlarında COVİD-19 koronavirusınıñ darqatılmasına qarşılıq kösterüv maqsadınen ilân etildi.

  1. Karantin ne vaqıtqace devam etecek?

Ukraina Nazirler Şurası 2020 senesi saban ayı 11 künü qabul etken 211 sanlı qararğa binaen, karantin 2020 senesi saban ayı 12-den başlap, çiçek (aprel) ayı 3-ce devam etecek.

  1. Karantin deviri devamında neler yasaq etile?

(devamını oqumaq içün, başlıqqa basıñız) “Qırımlılar içün karantin aqqında müim malümatlar. Eñ sıq rast kelgen suallerge cevaplar”