Qırımdaki qanunsız iqtisadiy faaliyet boyunca keñeş

2018 senesi arman ayı (avgust) 3 künü Ukraina Prezidentiniñ Qırım MC Daimiy Temsilcisi Borıs Babin ve onıñ Birinci muavini İzet Gdanov, Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele areket Planına binaen, strategik ya da ekili hususiyetleri olğan mal ile hızmetlerniñ vaqtınca işğal etilgen Qırım ile üçünci memleketler, bu cümleden, RF ile umumiy gümrükleri olğan devletler arasındaki ihracat-italât tertibini belgilegen normativ-uquqiy senetlerge kirsetilecek deñişmeler boyunca umumiy fikirge kelmek maqsadınen müessiseler arası keñeşni keçirdiler.

Keñeşte Ukraina havfsızlıq hızmeti Qırım MC-de Baş idaresiniñ, Ukraina devlet sıñır hızmeti Azaq-Qaradeñiz regional idaresiniñ, Devlet maliye hızmeti Herson vilâyetinde, Qırım MC-de ve Aqyar şeerinde gümrükhanesiniñ ve Ukraina infrastruktura Nazirliginiñ vekilleri iştirak etti. Borıs Babin, ‘‘Ukrainanıñ vaqtınca işğal etilgen topraqlarında vatandaşlarnıñ aq uquqlarını temün etüv ve uquqiy tertip’’ ve ‘‘«Qırım» serbest iqtisadiy zonanı teşkil etüv ve Ukrainanıñ vaqtınca işğal etilgen topraqlarında iqtisadiy faalietniñ husiyetleri’’ Ukraina qanunlarına kirsetilecek deñişmeler boyunca tekliflerni azırlamaq maqsadınen, er müessiseniñ vekâletlerini köz ögüne alıp, umumiy strategiyanı yaratmaq kerek olğanını qayd etti.

Vaqinca işğal etilgen yarımadada istilâcı devletniñ qanunsız ticariy-iqtisadiy faaliyetinine semereli şekilde tesir etmek ve onı toqtatmaq maqsadınen deyal deñişmelerni talap etken qanuniyetniñ zayıf tarafları muzakere etildi. Er idareniñ temsilcisi, faaliyetleriniñ hususiyetlerini köz ögüne alıp, istilâcı devletniñ areketlerine tesir etüvge qanuniyet ceetten manialar yaratqan noqtalarnı qayd etti. Keñeşniñ neticesi olaraq, taraflar qanuniyetke deñişüvlerni azırlamağa ve olarnı Prezidetniñ Memuriyeti vastasınen Prezidentke taqdim etmege añlaştılar.