Qırımlılarnıñ tasil meseleleri boyunca muşavere

2018 senesi boş ay (noyabr) 20 künü Ukraina Prezidentiniñ Qırım MC Daimiy Temsilcisi Borıs Babin Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele tedbirler Planınıñ 12.3 ve 12.4 vazifelerini yerine ketirir eken, ‘‘Qırım-Ukraina’’ tasil merkezleriniñ neticeleri, faaliyetlerini mükemmelleştirüv, halqara tehnikiy yardımnı celp etüv ve qırımlılarnı qıta Ukrainada orta ve tasil aluvğa celp etüv saasında vaziyet boyunca muşavere keçirdi. Muşaverede Ukraina Prezidenti memuriyetiniñ, Ukraina tasil ve ilim Nazirliginiñ, Ukraina iqtisadiy inkişafı Nazirliginiñ, Ukrainada AQŞ Elçihanesiniñ, Ukrainada Britaniya Şurasınıñ, ‘‘Açıq siyaset’’ Fondunıñ ve aliy oquv yurtlarınıñ vekilleri iştirak etti.

Muşavere iştirakçileri ‘‘Qırım-Ukraina’’ leyhası boyunca kiriş kampaniyasına yekün çekip, mevcut olğan problemalarnı ve ‘‘Qırım-Ukraina’’ tasil merkezleriniñ faaliyetlerini mükemmelleştirüv yollarını muzakere ettiler. İşbu kampaniyağa informatsion çeetten qol tutmağa ve mütenasip malümatnı esas televizion kanallarından Ukrainanıñ vaqtınca işğal etilgen Qırım toprağına yayınlamağa kerek olğanı qayd etildi. Vaqtınca işğal etilgen yarımada sakinleriniñ tasil aluvları ve vaqtınca köçürilgen Ukraina aliy oquv yurtlarınıñ ocaları içün halqara tehnikiy yardımnı celp etüv boyunca real leyhalarğa tafsilâtlı diqqat berildi. Muşavereniñ neticesi olaraq, kelecekteki faaliyet boyunca bir sıra qararlar alındı.