Memleket içinde köçken şahıslarnıñ mecburiy şekilde teşkerilüvi karantin bitkenine qadar lâğu etildi

Ukraina Yuqarı Şurası karantin devirinde memleket içinde köçken şahıslardan Ukraina ükümetiniñ nezareti altında bulunğan topraqlarda yaşağanlarınıñ isbatlanmasını vaqtınca talap etmemege qarar aldı, bu sebepten ukrainalılarnıñ memleket içinde köçken şahıslar olaraq qayd etilgenleri aqqında malümat kâğıtları öz aqiqiyligi coymaycaq, vatandaşlar karantin bitken soñ esaplanğan pensiyalarını ve içtimaiy tölevlerini ala bilecek.

Böyleliknen, «Maqsadı Ukraina topraqlarında (COVİD-19) koronavirus hastalığınıñ peyda olıp darqaluvına qarşılıq kösterüvi olğan Ukraina qanuniy senetlerine deñişmeler kirsetüv aqqında» Ukraina Qanunı (https://cutt.ly/mtk0rPZ) (COVİD-19) koronavirus hastalığınıñ darqatıluvınen bağlı sıñırlayıcı tedbirler, ya da karantin devirinde ve onıñ lâğu etilmesinden soñ 30 kün devamında

– uzun vaqıt (60 künden ziyade) devamında yaşağan yerinde yoq olğanını ve evelki yaşağan yerine qaytqanını tahmin etip, memleket içinde köçken şahısnıñ malümat kâğıtınıñ aqiqiyligini lâğu etüvni;

– Oshchadbank tarafından memleket içinde köçken şahıs fizikiy teşkerüvden keçmegeni sebebinden onıñ cari bank esabından para masraflarınıñ toqtatıluvını;

– memleket içinde köçken şahıslarnı aqiqatta yaşağan/bulunğan yerleri boyunca nezaret etip, içtimaiy tölevlerniñ kerçekleştirilüvini YASAQ ETE.