«Bayraq ile birleştirilgenler – #LIBIRATECRIMEA» halqara forumı

2019 senesi ilk yaz (iyün) ayı 26 künü Kıyiv şeer devlet memuriyetiniñ sutunlı salonında Qırımtatar milily bayraq künü munasebeti ile Qırımtatar resurs merkezi, Qırımtatar Milliy Meclisi Kıyiv şeer devlet memuriyetiniñ qol tutuvı ile «Bayraq ile birleştirilgenler – #LIBIRATECRIMEA» halqara forumnı keçirdiler, tedbirde Ukraina Yuqarı Şurasınıñ deputatları, çetel diplomatları, Qırımtatar Milliy Meclisiniñ azaları, Temsilcilikniñ Kıyiv şeerindeki ofisiniñ hadimleri, cemaat erbapları ve bütün dünyadan #LIBIRATECRIMEA halqara ruhunıñ faalcileri iştirak etti.

Tedbir iştirakçileri «Bayraq ile birleştirilgenler – #LIBIRATECRIMEA» leyhasına yekün çektiler, bu leyha çerçivesinde qırımtatar halqınıñ milliy bayrağı 9 ay devamında dünyanı dolaşıp, Qırımtatar milliy bayraq kününe qadar Kıyiv şeerine qayttı.

Hayırlav sözlerinde Ukraina halq deputatı, Qırımtatar Milliy Meclisiniñ reisi Refat Çubarov öz leyhası vastasınen halqara cemiyetke, Rusiye Federatsiyası tarafından işğal etilgen Qırımda qırımtatar halqı ögünde turğan çağıruvları aqqında haber etken faalcilerge öz minnetdarlığını bildirip, Ukraina bütün dünyadan insanlarnı birleştirgen ve Qırım mevzusını kün tertibinde tutqan umumiy tedbirlerge muhtaç olğanını qayd etti.