«TATLI SES-2019» balalar halqara festivali

İşğal etilgen Qırımda yaşamağa devam etken ve Vatanlarını terk etmege mecbur olğan kiçkene qırımlılarnı birleştirgen ananeviy «TATLI SES-2019» balalar halqara festivali Kıyiv şeerinde keçirildi.

Medeniyet birleştire, Ukrainanıñ vaqtınca işğal etilgen topraqlarınen bağ tutmağa yardım ete. Balalar festivali qıta Ukrainada qırımtatar milliy sanatını qorçalay ve canlandıra, istidatlı balalarnıñ ve gençlerniñ inkişaf etmelerine hızmet ete, tamır Qırım halqınıñ medeniyetinen yaqından tanıştıra.

İşğalciler qırımtatar medeniyetini yoq etmege tırışqanına baqmadan, qırımtatar halqı al-azırda öz adetlerini ve milliy özgünligini Rusiye istilâsı şaraitlerinde qorçalamağa devam ete.

Ukraina Prezidentniñ Qırım Muhtar Cumhuriyetindeki Temsilciligi tedbir teşkilâtçılarına – Birinci qırımtatar ”ATR” telekanalına, ”LÂLE” balalar telekanalına ve ”Meydan FM” qırımtatar radiosına samimiy minnetdarlığını bildire.

Vaqtınca işğal etilgen Qırımda yaşağan balalarnıñ festivalde iştirak etmelerine yardım etken Ukraina Devlet sıñır hızmetine, Devlet sıñır hızmetiniñ Azaq-Qaradeñiz regional idaresine, Ukraina Milliy polisniñ Qırım MC ve Aqyar şeerindeki Baş idaresine teşekkür etemiz.

Qırım serbest olacaq!

Qırım – Ukrainadır!