‘‘Titan’’ zavodınıñ Etraftaki muitni kirletken faaliyeti neticesinde yüz bergen ekologik facia zonasında yaşağan ya da bulunğan şahıslar içün umumiy-profilaktik tedbirler boyunca METODİK TEVSİYELER

‘‘Qırım Titanı’’ zavodınıñ faaliyeti neticesinde vaqtınca işğal etilgen Qırım Muhtar Cumhuriyetiniñ topraqlarında ekologik vaziyetniñ kerginleşüvi, avanıñ kirlenüvi ve Herson vilâyetiniñ Qırım MC ile yaqın mesafede bulunması munasebeti ile istimalcılarnıñ qorçalavı ve aşayıt mallarınıñ havfsızlığı boyunca devlet Hızmetiniñ Herson vilâyetinde Baş idaresi aşağıdaki umumiy-profilaktik tevsiyelerge riayet etmege rica ete:

– sahsiy gigiyena qaidelerine riayet etmek (duşta sıqça yuvunmaq, teriñizniñ açıq yerlerini sabun ile yuvmaq, közleriñizni, burunıñiznı ve ağızıñıznı diqqatnen suv ile çayqamaq);

– ekseriyetnen soda ve yağ ile beraber çay, süt ve mineral suvnı içmek;

– sebze ve yemislerni sodalı suv vastasınen yuvıp, soñra temiz suv ile çayqamaq, qabuqlarını temizlep aşamaq;

– zararlı maddelerni başqa yerlerge köre ziyade toplağan alçaqlıqlarnı ve yılğalarnı ziyaret etüvden vazgeçmek, anda ev ayvanlarını otlatmamaq;

– suvı kirlengen havuzlarda bulunmamaq, olarnıñ suvını ev ayvanlarına içirmemek.

Eger alıñız beterleşse (ağızıñızda hoşsız dam peyda olsa, közleriñiz yaşlansa, nefes aluv orgalarıñız ve teriñiz raatsızlasa) deral hastahanege tıbbiy yardım içün muracaat etmelisiñiz.

+38 (0552) 262643 ve +38 (067) 3487727 telefonları vastasınen istimalcılarnı qorçalav ve aşayıt mallarınıñ havfsızlığı boyunca Devlet hızmetiniñ Herson vilâyetinde Baş idaresiniñ sanitar qanuniyetke riayet etüv boyunca idaresinden tevsiye almaq mümkün.