REBERİYET

Ukraina Prezidentiniñ Qırım Muhtar Cumhuriyetindeki Daimiy Temsilcisi – KORINEVIÇ Anton Oleksandrovıç

1986 senesi kiçik (fevral) ayı 13 künü Kıyiv şeerinde doğdı.

2009 senesi Taras Şevçenko adına Kıyiv milliy Universitetiniñ halqara munasebetler İnstitutını ”Halqara uquq” zenaatı boyunca bitirip, halqara uquqçı, ingiliz tilinden terciman ihtisasını elde etti.

2011 senesi qural ay (mayıs) 23 künü ”Halqara uquq” boyunca dissertatsiyasını qorçalap, adliy ilimleri namzeti oldı.

2018 senesi halqara uquq kafedrasınıñ dotsenti ilmiy unvanını qazandı.

2011 senesi berim (sentâbr) ayı 3 kününden başlap, Taras Şevçenko adına Kıyiv milliy Universitetiniñ halqara munasebetler İnstitutında halqara uquq kafedrasınıñ assistenti olaraq çalıştı.

2016 senesi oraq (iyül) ayı 3 kününden başlap, Taras Şevçenko adına Kıyiv milliy Universitetiniñ halqara munasebetler İnstitutında halqara uquq kafedrasınıñ dotsenti olaraq çalıştı.

2019 senesi çiçek (aprel) ayı 3 kününden başlap, Taras Şevçenko adına Kıyiv milliy Universitetiniñ halqara munasebetler İnstitutında ilmiy-pedagogik faaliyet boyunca mudir muavini vazifesini becerdi.

Ukraina Prezidenti 2019 senesi ilk yaz (iyün) ayı 25 künü imzalağan 454/2019 sanlı fermanğa binaen Ukraina Prezidentiniñ Qırım Muhtar Cumhuriyetindeki Daimiy Temsilcisi vazifesine tayin etildi.

 

Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini –

SVIRIDOVA Darya Oleksandrivna

2014 senesine qadar Ukrainanıñ Qırım MC Yalta şeerinde yaşadı. Qırım Muhtar Cumhuriyeti ve Aqyar şeeri işğal etilgen soñ, Kıyiv şeerine köçti.

2008 senesi ”Tarih. Uquq ilimi” zenaatı boyunca ”Qırım gumanitar universiteti” adlı Cumhuriyet aliy oquv yurtını bitirdi.

2013 senesi Odesa içki işler universitetini ”Uquq ilimi” zenaatı boyunca bitirdi.

”İnsan aqlarını añlaymız” Bütünukrain tasil leyhasınıñ ve İnsan aqlarını qorçalav Avropa merkezi, İnsan aqları boyunca Helsinki Fondu, Kıyıv şeerindeki ”Aspen” İnstitutı ve başqa müessiseler tarafından teşkil etilgen tasil leyhalarınıñ mezunıdır.

2012-2017 seneleri – Ukrainada abulqatlarğa insan aqlarını uzaqtan ögretken halqara kursınıñ (”Grajdanlıq menfaatlarını qorçalav içün halqara uquq” evler ağını teşkil etken Norvegiyalı leyha) milliy yöneticisi.

2012-2019 – fizikiy şahış sıfatında iş adamı. Şahsiy uquqiy faaliyetnen oğraştı. Vaqtınca işğal etilgen Qırımda ve Aqyar şeerinde insan aqlarını qorçalav saasında ”İnsan aqları boyunca Ukraina Helsinki birligi” cemaat teşkilâtınen işbirlikte çalıştı (”Abulqatlarnıñ ve makemlerniñ faaliyetlerinde insan aqları standartları” ve başqa oquv kurslarını keçirdi).

Ukrainada silâlı dava ve bu cümleden Qırım yarımadasınıñ işğal etilüvi şaraitlerinde insan aqlarına riayet etüv boyunca çoqtan-çoq talil vesiqalarınıñ, ”kölge” esabatlarınıñ, aq-uquq qorçalav teşkilâtları tarafından yapılğan ”Ukrainada insan aqları” mevzusında maruzanıñ mütenasip maddeleriniñ, işğal şaratlerinde insan aqlarını nezaret etüvge bağışlanğan ”Qaidesiz Qırım” serlevalı uquqiy talil maqaleleriniñ müellifdeşidir.

Ukraina Prezidenti yanında uquqiy islâat meseleleri boyunca Komissiyanıñ terkibindeki vaqtınca işğal etilgen topraqlarnı ğayrıdan integratsiya etüv boyunca iş gruppasınıñ azasıdır.

Ukraina Prezidenti 04.11.2019 imzalağan emir ile №360/2019-рп Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini vazifesine tayin etildi.

 

Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini vazifesi – 

TAŞEVA Tamila Ravilivna

1985 senesi Özbekistandaki Samarkand şeerinde sürgün etilgen qırımtatar horantasında dünyağa keldi.

1991 senesi qorantası başqa qırımtatarlarnen beraber Qırımğa qayttı.

2007 senesi V.I. Vernadskiy adına Tavriya Milliy Universitetiniñ qırımtatar ve şark filologiyası fakültetini bitirdi.

2007-2008 seneleri devamında ”Avdet” gazetasında yardımcı/mesleatçı vazifesini becerdi, ”Media-Krım” şirketinde muarrir olaraq çalıştı.

2008/2009 seneleri ”Naşa Ukraina” siasiy fırqasında talilci/mesleatçı vazifesini becerdi.

2009 senesinden 2010 senesinece Ukraina Yuqarı Şurasında Ukraina halq deputatınıñ yardımcısı/mesleatçısı vazifesini becerdi.

2010-2012 seneleri ”Naş format” Sanat agentliginde PR-müdiri vazifesini becerdi.

2012-2014 seneleri devamında “PR Hoshva” agentliginde cemaat ile munasebetler yöneticisi vazifesinde çalıştı.

2004 ve 2013-2014 seneleri Ukrainada yüz bergen ve Ukraina tarihına Portaqal inqlâbı ve Menlik inqlâbı adlarınen kirgen adiselerde faal iştirak etti. Tamila Taşeva Qırım işğalinden evel bir sıra medeniy-tasil leyhalarını ve cemaat teşebbüslerini amelge keçirdi, qırımtatar halqınıñ medeniyetini Ukrainada belli etmege tırıştı, sanat festivallerni ve diger tedbirlerni teşkil etti, ukrain grajdanlıq cemiyetiniñ yaşayışında ve inkişafında faal iştirak etti.

2014 senesi kiçik (fevral) ayında Tamila Taşeva qanunsız Qırım işğalini ve Rusiye Federatsiyasınıñ cezalayıcı siyasetini aydınlatqan, yarımadada insan aqları saasında bozuluvlarnı qayd etken, Qırım ile qıta Ukraina arasında bağ tutqan, em de memleket içinde köçken şahıslarnıñ ve Qırım ile Ukraina şarqında silâlı dava neticesinde zarar körgen diger adamlarnıñ aq-uquqlarını, serbestliklerini ve menfaatlarını qorçalav oğrunda ukrain cemiyetini birleştirgen cemaat teşkilâtınıñ qurucılarından biri ve idare azası edi.

Qırımda insan aqları ve memleket içinde köçken şahıslarnıñ aq-uquqları saalarında vaziyetni aydınlatıp, Taşeva T.R. onlarnen halqara tedbirde devletimizniñ menfaatını qorçaladı. Bundan ğayrı, 2017 senesi Ukrainadan ilk kere taqdim etilgen ukrain grajdanlıq cemiyetiniñ vekili olaraq Amerika Qoşma Ştatlarında ”International Visitor Leadership Program” tasil leyhasında iştirak etti.

2019 senesi qara qış (yanvar) ayından berli “Vidrodjennâ” halqara fondunıñ idare azası olmaqta.

2019 senesi insan aqları ve serbestlikleri oğrundaki küreşi içün ”III derece Knâginâ Olga ordenı” devlet mukâfatı ile taqdirlendi.

2019 senesi boş ayda ”Şahsiyet” kategoriyasında Lehistanda şerefli ”Sergio Vieira di Mello Polish Prize” mukâfatına lâyıq körüldi.

Ukraina Prezidenti 25.10.2019 imzalağan №357/2019-рп emirge binaen Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini vazifesine tayin etildi.