Lazurne qasabasında yengil atletika boyunca Qırım çempionatı

2018 senesi boş ay (noyabr) 3 künü Temsilcilikteki Qırım MC işğalden azat etilüvi ve ğayrıdan integratsıyası boyunca hızmetniñ baş mesleatçısı Tetâna Pokidko gençler ve yüniorlar arasında Qırım Muhtar Cumhuriyeti ve Aqyar şeeri yengil atletika boyunca Açıq çempionatını, teşkilâtçılarnıñ daveti üzerine ziyaret etti.

Temsilcilik hadimi, Qırımdan ve Ukrainanıñ başqa regionlarından kelip, yarışlarda iştirak etken genç sportçılarnı hayırladı ve olarğa yañı ğalebeler tiledi.

Çempionat Herson vilâyetiniñ Lazurne qasabasındaki ‘‘Pribrejnıy’’ sağlamlaştıruv merkeziniñ yañı açılğan stadionında Ukraina gençler ve sport Naziri İgor Jdanovnıñ, Herson vilâyeti devlet memuriyetiniñ reisi Andriy Gordeyevniñ ve diger vekâletli şahıslarnıñ, iş adamlarnıñ ve cemaatnıñ iştiragi ile keçirildi.