Ukraina Prezidentiniñ Qırım Muhtar Cumhuriyetindeki Temsilciligi qırımtatar halqınıñ lideri, Ukraina halq deputatı Mustafa Cemilevni 77-yıllığınen hayırlay!

Mustafa Cemilevniñ şahsiyeti, mustaqil Ukrainanıñ temsillerinden biridir. Sabıq Sovet Birligi zamanlarında öz halqınıñ mustaqilligi içün sovet rejimi ile küreşken eñ belli muhalifetçilerden biri edi. Ondan ilham alğan ve onınen beraber areket etken qırımtatar halqı israrlı küreşi neticesine em ruhiy, em fizikiy ğalebege irişe bilgenini, Vatanğa qaytıp, ana toprağında yaşap olğanını tasdıqladı.

Mustafa Cemilev, şübesiz ki, qırımtatar halqı alıp barğan ağır küreşniñ temsilidir. Bügünde-bügün Mustafa ağa qırımtatar halqınıñ lideri olaraq toprağınıñ Rusiye işğalcilerinden azat etilüvi oğrunda küreşini devam etmektedir.

Bügün Ukraina Prezidentiniñ Qırım Muhtar Cumhuriyetindeki Temsilciligi Mustafa Cemilevge qaviy sağlıq, küç-quvet tiley, Qırımnı işğalden azat etüv, ana toprağında yaşap, Qırım yarımadasını inkişaf etüv oğrunda umumiy küreşimizde yardımğa kelmege daima azırmız.