Ukraina Prezidentiniñ Qırım Muhtar Cumhuriyetindeki Temsilciligi cümleñizni Yañı yıl bayramınen hayırlay!

2020 senesi devamında sizlernen, dostlarımız ve ortaqlarımız ile beraber Qırım meselesini yüksek seviyege kötere bildik.

2020 senesi Ukraina Prezidenti Fevral 26-nı er yıl qayd etilecek Qırım Muhtar Cumhuriyetini ve Aqyar şeerni işğal etüvge qarşılıq kösterüv kününi ilân etti ve ilk kere Ukraina Prezidenti Qırımnıñ qaytarıluvı, milliy ğayemizniñ şübesiz bir parçası olğanını şahsen qayd etti.

2020 senesi pandemiyanıñ çağıruvlarına beraberlikte cevap berdik ve qabul kampaniyası qıyın şaraitlerde keçirilgenine baqmadan, Qırım yarımadasından kelgen abituriyentler içün fırsatlarnı arttırdıq. Qırım sakinleri içün sübet botunı çalıştırdıq, içtimaiy ağlardaki yazışuv aletleri vastasınen mesleatlar bermege başladıq ve onlayn şekilde berile bilecek hızmetler cedvelini kenişletmege tırışamız. İnsan aqları ve halqara uquq saasında bozuluvlar vaqialarını qayd ettik, öz vatanlarında yaşamaq ve areket etmek aqları içün küreşken qırımtatar faallerine ve Ukraina Ortodoks Kilisesine destek berdik, sanktsion cedveline kirsetilecek şahıslarğa dair malümat toplap teslim ettik, çeşit türlü memleketlerde diplomatlar ile körüştik, Qırım yönelişinde vekâletli şahıslar ve grajdan cemiyeti arasında dialog qurdıq, Qırım platformasınıñ teşkil etilmesine qol tuttıq, işğal şaraitlerinde yaşağan vatandaşlarımızğa qarşı işlengen arbiy ve başqa ağır cinayetlerni qayd etmek ve cinayetçilerni mesüliyetke çekmek maqsadınen uquq qorçalav organlarımıznıñ vekillerinen beraber çalıştıq.

Keçici devirde adaletniñ milliy şekilini inkişaf emek oğrunda beraber çalıştıq, çünki tek doğru yolnıñ cenkten barışıqqa, işğalden ve şilâlı tecavüzden Kezlevden Keriçkece, Yaltadan Yañı qapığace elpiregen Ukraina bayraqlarına alıp ketken bir yol olğanına inanamız.

2020 senesi etrafımızda olğan er keske minnetdarmız ve ögümizdeki 2021 senesi içün sağlıq, quvet ve ilham tileymiz! 

  • Ukraina Prezidenti Ofisi
  • Ukraina devlet sıñır hızmeti
  • Ukraina dijital deñişüvler nazirligi
  • Ukraina tasil ve ilim nazirligi
  • Herson vilâyeti devlet memuriyeti
  • Devlet sıñır hızmetiniñ Herson bölügi
  • Ukraina Milliy hatıra institutı
  • Baş prokuror ofisi
  • Ukraina çetel işler nazirligi
  • Ukrainanıñ vaqtınca işğal etilgen topraqlarını ğayrıdan integratsiya etüv nazirligi
  • Qırım Muhtar Cumhuriyeti ve Aqyar şeeri prokuraturası
  • Qırım_SOS
  • İnsan aqları boyunca Ukraina-Helsinki birligi
  • Qırım uquq qorçalav gruppası
  • ZMİNA teşkilâtı İnsan aqları merkezi
  • Regional Center for Human Rights

 

Bu maqale, yılnıñ neticeleri degil de, minnetdarlıqtır. Qara qış ayında 2020 senesiniñ neticelerine yekün çekip, sizni mıtlaqa haberdar etermiz.

#ppugovua #qırımnıevindebekleymiz #qırımukrainadır