Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, onıñ muavinleri Darya Svırıdova ve Tamila Taşeva Sloveniyanıñ Ukrainada Fevqulâde ve Tolu Vekâletli Elçisi Tomaj Mentsin ile körüştiler

Körüşüv esnasında insan aqlarınıñ bozuluvı meselesinen bir arada Qırımnı ve Qaradeñiz regionını silâlaştiruv, yarımadağa Rusiyeden avuştırılğan adamlar esabına yerli ealini almaştıruv, bala aqlarını bozuv, Rusiye Federatsiyası tarafından teşkil etilgen arbiy teşkilâtlarğa balalarnı celp etüv, Rusiye ordusına qanunsız şekilde gençlerni çağıruv, tabiatqa ketirilgen zarar, Ukraina Ortodoks Kilisesine basqı, tamır qırımtatar halqınıñ aq-uquqlarını bozuv kibi meseleler muzakere etildi.

Körüşüvlerniñ müim meselelerinden biri, sanktsiyalar tertibi meselesi, Ukraina ortaqları tarafından sanktsiyalar cedvelini kenişletüv ve 2014 senesi saban (mart) ayında qabul etilgen BM Baş Assambleyasınıñ qararında qayd etilgen tanımamazlıq siyasetini devam etüvdir. Ayrıca işğalci organlar tarafından areket sıñırlanması ile bağlı olğan yañı çağıruvlar da ayrıca muzakere etildi.

 

🇸🇮 #PPUgovUA 🇺🇦