Poltavada işğalciniñ ‘‘saylavlarına’’ qarşı cemaat narazlığı

2018 senesi saban ayınıñ (mart) 18 Temsilclikniñ halqara alâqalar ve uquqiy talil hızmetleriniñ baş mesleatçıları Qırımdaki işğalciniñ qanunsız ‘‘saylavlarına’’ qarşı narazlıq olaraq Poltavada keçirilgen cemaat aktsiyasında iştirak ettiler.

Tedbirde Poltava vilâyeti devlet memuriyetindeki medeniyet ve turizm bölüginiñ başlığı, vilâyet şurasınıñ hadimleri ve deputatları, cemaat teşkilâtlarınıñ, uquq qorçalayıcı taqımlarnıñ vekilleri, qırımlılar ve yerli faalciler iştirak ettiler.

Aktsiyanıñ iştirakçileri Ukraina vatandaşlarını işğalcilernen beraber çalışmamağa ve vaqtınca işğal etilgen topraqlarda keçirilgen sözde ‘‘saylavlarda’’ iştirak etmemeğe çağırdı.

Sözde ‘‘saylavlarnıñ’’ neticeleri qanunsız ve ne de Ukraina, ne de halqara cemiyet tarafından tanılmaz.

Sözde ‘‘saylavlarnıñ’’ teşkil etilüvinde doğrudan-doğru iştirak etken şahıslar cinaiy mesüliyetke çekilicek, olarğa qarşı şahsiy sanktsiyalar kirsetilecektir.